نيللي عن زمن الفوازير: دنيا سمير غانم الوحيدة اللي تقدر تعملها

بعد ظهور الفنانة نيللي مع الإعلامي رامي رضوان في برنامج «مساء Dmc»، المذاع على شاشة Dmc، سرعان ما تصدرت محرك البحث جوجل.
نيللي في برنامج مساء Dmc
وحرص عدد كبير من الناس على البحث عن نيللي ومشاهدة أبرز تصريحاتها الجديدة، أمس في البرنامج، وهو ما ترصده «الوطن» كما يلي
أبرز تصريحات نيللي عن زمن الفوازير
وصفت نيللي فترة تقديمها الفوازير قائلة: «أحلى أيام عمري وحياتي»، ورغم أنها لم تكن تستطيع النوم أكثر من ربع ساعة في اليوم إلا أنها تحدثت عن هذه الأيام قائلة: «لو الناس تعرف أنا كنت بعمل إيه عشان الخدعة تطلع بطريقة كنت بقعد ب 8 ساعات قدام الكاميرا وناس تمشي وناس تقعد وأنا قاعدة بيظبطوا عليا الكروما عشان 15 ثانية في الآخر، بس كانت فترة على قلبي أحلى من العسل».
سبب غياب نيللي عن الفن
وردت نيللي عن غيابها على الفن قائلة: «في مثل عندنا بيقول يا بخت من زار وخفف، أنا دايما أقول كده، أنا عايزة ابقى خفيفة أوي، الفن في عروقي أنا مولودة نزلت على طول في البلاتوه ومثلت وأنا عندي 3 سنين، بس كفاية وقدمت حاجات أنا معتزة بيها».
iframe width=»640» height=»360» src=»https://www.youtube.com/embed/6JIkLDLNGug» title=»YouTube video player» frameborder=»0» allow=»accelerometer; autoplay; clipboard-write; encrypted-media; gyroscope; picture-in-picture» allowfullscreen
نيللي: الوحيدة اللي تقدر تعمل فوازير دنيا سمير غانم
وعن سؤال من التي ترها يمكن أن تحقق صدى بتقديمها الفوازير هذه الأيام في ظل التكنولوجيا المتوفرة حاليا، أوضحت نيللي: «دنيا سمير غانم الله طبعا، أنا حقيقي الوحيدة اللي أشوفها تقدر تعمل الفوازير، أنا بقولك كده وجسمي بيقشعر، دي حبيبتي».
أكثر الأفلام المفضلة لنيللي من أعمالها
حكت نيللي أنها دائما تشعر بالتفاؤل والرضا وهو السبب الذي يجلب لها السعادة ووصفت نفسها بأنها شخصية خيالية وعاشت حياتها في الخيال: «الخيال خلاني أخد قرارات غلط كتير وندمت عليها بس الإنسان العاطفي ممكن يبقى حظه وحش في الحب، وبحب الكلام الجميل اللي بصدق».
وعن أكثر الأفلام المفضلة لها قالت إنها تحب فيلم «العذاب امرأة»، موضحة أنها شاركت في هذا الفيلم كنوع من التحدي: «لدرجة أن محمود ياسين كان واخد مني موقف ساعتها لأنه استغرب اختياري ومكنش بيكلمني طول فترة التصوير بس اتصالحنا في الآخر، وندمت على أفلام كتير بس مش فاكراها دلوقتي».