سعد الصغير وعمر كمال.. خناقة على مواقع التواصل الاجتماعي

شهد الوسط الفني والغنائي الفترة الأخيرة «خناقة جديدة» بين سعد الصغير وعمر كمال، بعد أن هاجم الأول الأخير، لنجاحه بعد أغنية «بنت الجيران» حيث أكد الصغير، أن الأغنية «اتعملت باتنين جنيه» في حين أن أغنياته تتكلف الواحدة منها 70 الف جنيه.
سعد الصغير يسخر من عمر كمال بسبب «بنت الجيران»
رد كمال، على سعد، كان قويا، من خلال صفحته الرسمية بمواقع التواصل الاجتماعي الفسبوك وقال «فيه مطرب شعبي بيقول علينا إننا تاريخنا أغنية واحدة! وبيقول علينا لو مشينا جمبه في الشارع محدش يعرفنا! وبيقول بنت الجيران باتنين جنيه وملهاش لزمة وإحنا معملناش أي تاريخ يذكر!!».
وأضاف عمر كمال: «وأنا بقولك دول شوية نجاحات، بنت الجيران 600 مليون مشاهدة، وعود البطل 434 مليون مشاهدة، وشمس المجرة 114 مليون مشاهدة، ولغبطيطا 160 مليون مشاهدة، وإنتي معلمة 32 مليون مشاهدة، ومساء النقص 23 مليون مشاهدة، وشيكولاتة سايحة 52 مليون مشاهدة، بنبوني ساقط في نوتيلا 53 مليون مشاهدة، بنتخان 28 مليون مشاهدة، فايقة ورايقة 17 مليون مشاهدة».
عمر كمال: احترمتك لأني كلت في بيتك عيش وملح
وتابع «وأنا بحترمك عشان كلت في بيتك عيش وملح ومش هقولك إن تاريخك كله ميجيش مشاهدات أغنية زي عود البطل مثلا أو الx6، بس هقولك احترمنا عشان إحنا إخواتك الصغيرين وبنحترمك وبنحترم أي حد أكبر وأقدم مننا في الشغل وديه أرزاق وده وقتنا واكيد غيرنا هيطلع زى ما كنت في إنت في يوم بنتفرج على نجاحك وبنحبك».
جدير بالذكر أن الإعلامي العراقي نزار الفارس، كان قد استضاف الفنان سعد الصغير في حلقة ضمن برنامجه مع الفارس المذاع عبر قناة الرشيد العراقية، وتحدث سعد باستضافة عن أغنيات المهرجانات والفارق بين الأغنيات الشعبية وأغنيات المهرجانات وسبب نجاحها الكبير في الوقت الراهن.