بعد مرور 11 عاما.. ليلي غفران تتهم محاميها السابق بسرقة خاتم الماظ

«فين الخاتم الألماس يا حسن» هكذا بدأ إتهام الفنانة ليلي غفران لمحاميها السابق حسن أبو العنين، بسرقته لخاتم ألماظ عبر تعليقها على منشور خاص به على صفحة التواصل الاجتماعي «فيسبوك» بعد مرور أكثر من 11 عاما على القضية.
وقالت غفران: «فين الخاتم إللي اتسرق مني وإنت اترافعت عشان نجيبه بعد ما قبضوا على الشغالة إللي سرقته من البيت عندي»، وتابعت: «أنت قلت إن النيابة خدته وأنا سالت ووضحولي إن المحامي هو المسؤول لأنه بالتوكيل يقدر يتسلم أي شيء عني فين الخاتم الألماس يا حسن ياريت يبقى فيه رد وتوضيح».
ليرد المحامي حسن أبو العنين: "انا برد على حضرتك وانا فى العربية لأني فوجئت بما كتبته، هو حضرتك نسيتى انك تنازلت على المحضر فى النيابة بعد الشغالة ما انكرت الاتهام وذكرت الحقيقة التى اعلمها وتعلميها جيدا".
وتابع أبو العنين: الخاتم لم يتم سرقته ولكن الواقعه كانت لها ابعاد اخرى انت تعلميها والاوارق موجودة بالمكتب تحت امرك".
غفران: " أنا ماتنازلتش علي الخاتم لما اتقبض علي الشغاله"
الأمر الذي أغضب غفران لترد قائله: "لأ أنا ماتنازلت على الخاتم لما كنا اتقبض على الشغالة في الصاغة وهي بتبيعه، ومااتنازلتش بالعكس إحنا رحنا عشان نستلمه وإنت دخلت بالنيابة عند وكيل النيابة وأنا استنيت في غرفة ثانية مع اخوك مراد إللي كان جوزي وقتها".
وأشارت غفران: "ولما إنت خرجت سالتك عن الخاتم قلت لي إنه ضاع والنياية مش لاقياه أبعاد إيه بقى ياريت توضح أكثر لأني مش فاهمة حاجة من إللي إنت بتقوله"، وأضافت: "مافيش أي أبعاد غير إللي أنا ذكرتها وكلامك فيه ألغاز وتقريبا إتهام لي وده شككني إنك كنت محامي المتهمة مش وكيلي أنا ياريت افهم".
أبو العينين: «الأوراق موجودة في المكتب وحضرتك عارفه كل حاجة»
ورد محاميها السابق: "الأوراق موجودة بالمكتب بعد أن اطلعك عليها تعرفى الحقيقة كلها، حضرتك عارفة كل حاجة"، وأضاف أبو العنين في تصريحات ل"الوطن" بأنه سيتقدم ببلاغ ضد الفنانه ليلي غفران بتهمه السب والقذف لما نشرته عبر موقع التواصل الإجتماعي "فيس بوك"
وفي عام 2009 كانت قد سرق خاتم الماظ من بيت الفنانة ليلي غفران بواسطة فتاة تعمل لديها في المنزل والتي تم حبسها لمدة 6 أشهر.