روان والإجازة

انتهت الإجازة وغدا سيبدأ أول أيام الدراسة، صديقتى الجميلة روان محمود أرسلت لصفحة الأطفال رسالة عن الإجازة وكيف قضتها فى الحضانة التى مارست فيها رياضة السباحة، وفى الملاهى التى تحبها وركبت فيها قطاراً جميلاً يمكنه أن يسير على القضبان أو يعوم فى الماء، قطار روان ليس كأى قطار وعربته هى البطة التى تحب الأطفال وتحتضنهم بأجنحتها، تسير بهم على الأرض، تسبح معهم فى الماء، وتطير معهم للسماء.
حبيبتى ماما سماح
خلاص الإجازة خلصت وعشان كده حبيت أقول لحضرتك وأحكيلك أنا كنت بعمل إيه فى الإجازة، كنت الصبح بروح الحضانة ألعب مع أصحابى وبرضه كانوا بيودونا البيسين نعوم وبندرب على الكاراتيه وكمان بنرسم وبنلون وكنا بنروح رحلات زى رحلة السيرك واتبسطت فيها قوى.
وكنت لما برجع بالليل بابى ومامى بيخرجونى نروح نتغدى برة وأحلى حاجة يوم الجمعة لأنى بخرج معاهم كلهم بابى ومامى وجدو وتيتة وخالتو اليوم كله بنخرج فيه وبنروح السينما أو النادى أو المول اللى أنا بحبه أوى وأكتر حاجة بحبها الملاهى حتى لو رحتها كل يوم وأكتر لعبة بحبها القطر اللى أنا بركبه من وأنا صغيرة ومش بخاف.
روان محمود زلط