عفواً رمسيس.... أنا فعلاً مش ضد سعادتك ولا ضد انك تاخد راحتك تصحي براحتك ......... وتنام من غير دو شه وإزعاج ومعاك إنك عايش بمزاج وضاربها متين مليون صارمة واقف عوجان الدنيا ف أهلك ولا حدش همك ................ لكن وحياتك عندي وحياة العشرة اللي ما بينا ما تعكر دمك أنا عايز فعلاً مصلحتك تيجى براحتك تمشى براحتك لكن برضك لازم تعرف رأى الناس رأى الشعب بتاعك إيه ....... .................................................... عنك مثلاً عم مجاهد واحد ......من عيلة عتمان كانوا جيرانك من أسوان شوف هيقول لجنابك إيه خبر إيه أمال .... رمسيس ياد عمى أنا خابر زين أنك راجل ميت عاجل ........ الهفه دي جاتلك ميته أمال كل الملايين دي عشان تتمشى يدوب من عند القطر لحد الصحرا أمال لو تطلع بره هنعملوا إيه .............؟؟ هنبيع خلاجاتنا ................ ........... وآدى واحده كمان اسمها نبوية من قليوب مش عارفه يا دوب من مصر غير أنت والمقامات الطاهرة ها تقولك كلمه .... أسمع بقى منها .... أبا رمسيس .... يا عم الحاج ...... خبر إيه أمال ...... ما تقولي يا راجل لو حد مضايقك النبي تتكلم ما تشيلش ف نفسك أمال هتسبنا و رايح فين ....؟ دي الأرض اللي أنى مولودة عليها وبناكل منها .... ونشرب منها ..... ونزرع فيها .... النبي تستنا ... دا أحنا أتعشمنا الزارعة الجايه لو ربنا سهل هنجيبلك كسوه جديدة وأدبحلك بطه .... وأجبلك عسل وقشطه وطبق م المش وفطير ع الوش بس تخليك وسطينا وكفاية علينا يكون ضلك حوالينا دا أنت أبن الغالي ... الله يمسيك بالخير يابا "مينا" ........... وأهو دا درويش سواق أوتوبيس مش عارف بكره هينده إيه قال إيه .....كان هنا رمسيس رمسيس ....كان هنا رمسيس والواد الضبو بتاع البدره كان عايز برضوا يقولك كلمه واحد م الشعب .....تنكر بالذمة إيه يا عم أنت يا عم ....أنت يا عم والنعمة أهم أنت من أكيف اللي اسمه أكيف طول عمرك وأنت مزاجك عالي فكك م الزحمة وم الدوشه وقلب المصرين وتعالى أنا وأنت ف الرواقان نضرب حجريين ... ونلف سوا سجارتين جامدين وحياتك عندي لقلبلك تحت دماغك غور زه وأجيب لك مزه تهز ف رجلك طول الليل ............................. حتى الواد سمعه من بحري أول ما عرف جالك يجرى أسمع منه .... أيوه ه يا جدعان ........ بقى بعد العمر دا كله والعوجان رمسيس الثانى المتسيط يطلع بيخاف و جبان ....... رمسيس الثانى المتعافي ........يطلع حافي ويسيب منطقته وشوية هرتك م الهلاهيل يا خدوه ف الخلا والعالم ليل ومحدش عارف آية اللي بيحصل بقى بالذمة ....... لو كان رمسيس دا ف عزه صحيح كان يقدر حد يقوله أتزحزح حبه أخيه ع الدنيا ....... أخيه دا السبع أن عجز يا خونا نسانيس الدنيا هتلعب بيه ....... ......................................................... مش هتصدق .... عندي مفاجئه ..... لأ متقولش جعفر...... جعفر صاحبك هوا كمان كان نفسه يقولك حاجه مهمة - مين رمسيس ده ........؟ - رمسيس الثانى الثانى كمان ...... إيه يا خونا فضينله أحنا ..... يلا يلاا أنتو اهو وهوا بقى بالذمة ..... بدل اللمه ومالنا الضايع مش نعمل بالقرش مصالح نعمل كوبري نرصف شارع ولا أن شآ لله نعمل مصنع ونشغل ميت عيل صايع بلا رمسيس بلا قلب دماغ ...... ..... عم أمين واحد عادى من الملايين تاه أمبارح علشان خاطرك شغله ف نفس الشارع جنبك أصله موظف ف التأمين ومعلم مصلحته بشارعك طول اليوم بيلف يا عيني ف الميادين اله ....... آلا آلا ....... الشارع دا00 مش هو الشارع أيوا أنا فاكر كان فيه على قمته تمثال يمكن شالوا المبنى بتاعنا لازم شالوا المبنى بتاعنا لكن فين ودوه دلوقت إيه يا خونا حد يقولى أنا كده ها تأخر ع الشغل ........ ................... برضوا كمان أستاذ فى الجامعة كان أكد لى أن الديناميكا الحركية ف الحركات السيكولوجية تحت كوتشات العربية م الخاليخ الاحتمالية ف الزغازيغ الاهتزازية جزر تلاته م الجاذبية ف الزلزال ممكن تعمل حاجه خطيرة ف التمثال يرفع صابعه ...... يهز حواجبه أو يمكن يعمل إسهال يبقى الأحسن .... يفضل واقف ذي ما كان ........ شفت جنابك أه دا رئي الشعب بتاعك تمشى أذاي متقو لى سعادتك وتفرط ف الكرسي بتاعك طاب دا أنتي واليد نضيفه ....... ولا حته ف جيبك تعريفه ..... ولا عايز جنبك تشريفه ...... عفوا يابا .... عفوا رمسيس وأسمحلى بليز....... مش أنت اللي المفروض تمشى فيه ميت رمسيس غيرك تانيين واقفين سدين الهوى والنور عاو زين مش بس ساطور يقطع راقبتهم ولا حتى الونش اللي يشيلهم عاو زيين الأرض اللي عليها تنشق يا صاحبي وتبلعهم