أول مهرجان للأكل فى قصر البارون: «المجد كل المجد للطشة المصرية»

بين عينات طعام مجانية، ومسابقات طهى على الهواء وفرق موسيقية وستاند أب كوميدى انطلق أمس، أول مهرجان للأكل فى مصر، وهو مهرجان «كايرو بايتس» الذى ترعاه «سى بى سى سفرة»، ويضع مصر للمرة الأولى على خارطة البلدان التى تشهد مهرجانات سنوية مماثلة. ماجدة جمعة، من المشرفين على تنظيم المهرجان، فسرت سبب إقامته فى قصر البارون بقولها: «قصر البارون مكان مهم، لكنه منسى وغير مستخدم بالصورة المثلى، الناس نفسها تخش وتتفرج، عشان كده حبينا نحييه ونلفت الانتباه ليه، بالاتفاق مع القائمين على الآثار». «ماجدة» أكدت أن «المصريين بيحبوا الأكل، وعمرهم ما بيزهقوا منه، ومن محاولات استكشافه، فى مصر مطاعم وكافيهات عمرها ما هتكفى أبداً.. نشاط الأكل هو النشاط الأنجح والأكثر استقراراً فى مجال الأعمال فى مصر دلوقتى». وأضافت: «الناس زمان كان المهرب ليها هو الكورة، بعد الثورة والحظر والاضطرابات بقى المنفذ الوحيد للترفيه هو الخروج للمطاعم، لذلك قررنا تنظيم المهرجان، من ناحية لمساعدة الناس على إيجاد مطاعمهم المفضلة فى مكان واحد، ومن ناحية تانية يتعرفوا على مطاعم وأماكن مايعرفوهاش قبل كدا»؟ «الشعوب دايماً بتتجمع حولين الأكل».. قالتها «ماجدة» مؤكدة: «دبى، واليابان وبلاد كتير بتحتفل بمهرجانات مماثلة، عشان كده حاولنا على قد ما نقدر نجيب نوعيات مختلفة وأكلات من كل أنحاء العالم ونخلى الناس تجرب أكلات جديدة، زى الأكل السويسرى مثلاً». يرى منظمو المهرجان أن الأكل المصرى مظلوم، لذلك رفعوا شعار «المجد للطشة المصرية»: «الفترة الأخيرة الأكل المصرى اتظلم إلى حد ما، رغم أنه من أطعم الأكلات على مستوى العالم، لذلك قررنا نبرزه ونفكر الناس بطعم الطشة المصرية الأصيل».