"تاج الدين": ما زلنا محافظين على الإنتاج بالمصانع رغم كورونا حتى لا يتأثر الإنتاج القومي

قدم الدكتور عوض تاج الدين، مستشار الرئيس لشؤون الصحة والوقاية، عدد من النصائح للوقاية من فيروس كورونا على رأسها ارتداء الكمامة واستخدام المطهرات.
وقال "تاج الدين" خلال مداخلة هاتفية ببرنامج "مصر تستطع" الذي يقدمه الإعلامي أحمد فايق على شاشة "dmc": "لازم نلبس الماسك، ولازم ناخد احتياطاتنا ونلتزم ببيانات وزارة الصحة ورئاسة الوزراء وكل مؤسسات الدولة، وبلاش تكدس وتجمع، واللي معندوش شغل يقعد في البيت، وفي نفس الوقت مازلنا محافظين على الإنتاج بالمصانع حتى لا يتأثر الإنتاج القومي".
وأضاف: "لازم نخلي بالنا من كبار السن، والمكان اللي محتاج تلبس فيه ماسك البسه، ونهتم بالنظافة الشخصية وغسل الأيدي، واستخدام المطهرات، واللي عنده أعراض يروح يكشف"، مؤكدا على أن التوجه للمستشفيات في حالة الشعور بأي أعراض مرضية هو التصرف الصحيح لإنقاذ المواطنين.
وتابع: "لو الشخص عنده أعراض سخونية شديدة أو إعياء أو مخالط لحد جه من الخارج، يروح يكشف وحتى لو نتيجة تحاليله طلعت إيجابية فالدولة موفره أماكن للحجر على أعلى مستوى في كل مكان، والدولة بتعمل مسبقا عشان نكون جاهزين لأي احتمالات".