«مرسى»: «السيسى رئيس مصر القادم باكتساح.. بس مش هيكمل»

«المعزول» ل«حراسه»: «عاوز فلوس.. وأنا مش بلطجى عشان أتفتش.. وترشح خفاجى مهزلة»

للمرة الثانية، قال المعزول محمد مرسى: إن المشير عبدالفتاح السيسى «لن يكمل فترته الرئاسية رغم أنه سيكسب الانتخابات»، ونقل مصدر أمنى عن مرسى قوله: «السيسى سيكون رئيس مصر القادم، بس مش هيكمل».
وقال المصدر إن الأجهزة الأمنية بسجن برج العرب أجرت تفتيشاً لغرفة الرئيس المعزول محمد مرسى، مساء أمس، لمنعه من حمل أى مذكرات إلى مقر محاكمته، اليوم، فى قضية الاتحادية، بأكاديمية الشرطة، حيث تستكمل المحكمة سماع الشهود فى جلسة سرية لدواعٍ أمنية.
وأوضح أن «مرسى» أبدى انزعاجه وبدا عليه الإحباط والاكتئاب وهو يتابع إجراءات التفتيش وقال: «انتم بتخافوا من إيه هاخبى إيه يعنى؟ ده أنتم بتعدّوا علىّ النفس، وبعدين عيب تعاملوا رئيس الجمهورية كده، أنا مش بلطجى، البلطجية دول اللى عايزين ينزلوا الانتخابات وفيه رئيس شرعى مخطوف». وأشار المصدر إلى أن «المعزول» خضع لكشف طبى دورى فى محبسه أظهر تمتعه بصحة جيدة وسلامة جميع وظائف جسمه الحيوية.
وأدى «مرسى» صلاة الجمعة مع 4 من حراسه، أمس، داخل محبسه، وقال لهم إنه يحتاج لأموال وملابس جديدة ويريد مقابلة عائلته، وسخر من باسم خفاجى، أمين التجمع المصرى، التابع لتنظيم الإخوان، الذى أعلن عزمه الترشح فى انتخابات الرئاسة دون تقديم أوراق، وقال «مرسى» إنه لن يفوضه للحديث باسمه، معلقاً: «أنا مش بتاع تفويض»، مضيفاً: «إحنا مش فى وقت هزار وعندنا أهم من انتخابات الرئاسة»، وتابع: «الإخوان لو كانوا عايزين يشاركوا فى الرئاسة كانوا دفعوا بالدكتور سليم العوا أو غيره من الجديرين بالثقة».
وسخر «مرسى» من أزمة انقطاع الكهرباء، وقال لحراسه: «الكهربا بتقطع يعنى والبنزين عليه طوابير، يعنى مش أنا اللى كنت عامل أزمة!»، معلقاً: «ده يؤكد أن اللى حصل ضدى كان مؤامرة، والدليل أن النور بيتقطع دلوقتى».