«مرسى» يهدد باغتيال «السيسى» ويؤكد ل«حراسه»: ماتنسوش اللى حصل ل«السادات»

«بكرة تقبلوا بالمصالحة.. والإخوان وأمريكا مش هيسيبوا المشير»

كشفت مصادر أمنية رفيعة المستوى عن أن المعزول محمد مرسى أدى أمس صلاة الجمعة وبرفقته 4 ضباط فى محبسه بسجن برج العرب، وقال لهم عقب الصلاة: «لغاية امتى هتفضلوا حابسنى، أنا زهقت، انتو خايفين أخرج الشرعية تعود.. والسيسى لو بقى رئيس الدنيا هتولع، وبكرة تعرفوا إن كلامى صح، والعالم كله مش هيصدق مسرحية الانتخابات، هو فيه حد يقدر ينزل ضد السيسى، الانقلابيين مش بيسيبوا حد، ودى مسرحية، كل اللى بيحصل انقلاب على رئيس شرعى عشان ييجى السيسى رئيس، لكن الناس مش هتسيبه». وتابعت المصادر ل«الوطن» أن «مرسى» استشهد بما جرى للرئيس الراحل أنور السادات فيما يعد تهديداً باغتيال «السيسى»، وقال: «السيسى فاكر الناس هتخاف منه، كانوا خافوا من السادات، والإخوان وأمريكا ودول العالم مش هتسيبه ولا هيسيبوا البلد فى حالها، وكل اللى هينزل ضد السيسى مجرد ديكورات، وسامى هينزل الانتخابات بأى شكل، وما يحدث تمثيلية». وسخر «مرسى» من زيارة المشير عبدالفتاح السيسى، وزير الدفاع، إلى الإمارات بقوله: «هو راح الإمارات ليه؟ همّا كانوا حارمينه من حاجة.. ما يروح إثيوبيا يشوف حل فى البلوى اللى هناك». وتابع «المعزول»: «بكرة كله هيقبل بالمصالحة، سواء عايزين أو مش عايزين، عشان كلنا بقى فى الآخر نرتاح من اللى بيحصل ده». وقال عن قطر: «السعودية والإمارات فى الآخر هيرجعوا للمفاوضات معاها، وأمريكا هتتدخل».
فى السياق نفسه، قال مصدر أمنى إن الرئيس السابق رفض تناول طعام السجن، وطلب السماح له بالزيارات ليطمئن على أسرته ويحصل على مأكولات لا يوفرها السجن، وقال: «أنا ملّيت من الأكل ده، وحاسس إن وزنى زاد على الفاضى».