فيديو..مرسى: أنا محتاج فلوس

أذاعت فضائية"الحياة" فيديو للحوار الذى دار بين الرئيس المعزول محمد مرسى، والدكتور محمد سليم العوا، عضو هيئة الدفاع عنه داخل السجن.
إلى نص المحادثة:
مرسى: قول لى على أخبار الدنيا، ملخص سريع كده.
العوا: الدنيا كويسة لا بأس بها، الناس كلها مشغولة بالانتخابات الجديدة الصور ملئت الشوارع والمظاهرات موجودة فى كل المدن وكل القرى بالليل كل يوم والمصادمات ما بتتوقفش لكن ده كله ملوش نتيجة نحن فى عمل غير منتج، العمل المنتج حاجة تانية لازم الناس تقعد وتصل إلى حل بدون الوصول إلى حل يا دكتور محمد مافيش فايدة.
مرسى: وهو السيسى رقى نفسه لمشير ليه دلوقتى.
العوا: لأ ده اللى رقاه المستشار عدلى منصور.
مرسى: لأ بغض النظر.
العوا: عشان يبقى خد آخر حاجة فى العسكرية يعنى.
مرسى: علشان لما يبقى رئيس يبقى مافيش حد قدام منه، ولا علشان مايبقاش أنا اللى عملته؟
العوا: وما تبقاش انت اللى عملته، ويبقى قائد أعلى بجد وبحق وحقيقى دى كلها اعتبارات مهمة يعنى.
مرسى: وهو عايز يبقى رئيس فعلا.
العوا: هيبقى إن شاء الله.
مرسى: هيسيب الجيش؟
العوا: آه.
مرسى: مش خايف من انقلاب؟
العوا: لا ما خلاص ماهو هيبقى القائد الأعلى، هو حسنى مبارك ساب الجيش ولا الرئيس السادات الله يرحمه ساب الجيش.
مرسى: هيعملوا عليه انقلاب.
العوا:لأ.
مرسى: ما هو اللى بينقلب بينقلب عليه، انت مش فاكر.
مرسى: فيه نقطة أنا عايز حضرتك تتكلم فيها، مش عارف رئيس المحكمة، ولا مين، أنا محتاج فلوس فى الأمانات فدلوقتى ما عنديش زيارات، لا محامين ولا أهل.
العوا: والفلوس دى لازم تتدفع فى خلال زيارات ولا إيه؟
مرسى: أنا معرفش دلوقتى أنا محتاج يبقى فى حسابى فلوس علشان أعيش.
العوا: طب ما ده ممكن حوالة يا دكتور.
مرسى: دلوقت السجن بيقول مجاش حاجة.
العوا: هى بتاخد وقت بس، مين اللى قال لحضرتك بعت؟
مرسى: لازم أصدق الناس.
مرسى: المرة اللى فاتت أنا قولتلهم لما كنا يوم, الثلاثاء، قالوا هنبعت بكره، اللى هو الأربعاء، قالوا فى نفس اليوم، إلا إذا انتوا تجيبوا فلوس قدام القاضى وتودوها لحد من الضباط، يعنى قصدى نعمل إجراء، ماينفعش فلوسى اللى فى الأمانات تخلص.
العوا:لا لأ ماينفعش.
مرسى: لأن احنا لينا مصاريف واخد بالك، ومصلحة السجون لها.
العوا: وأساسًا مش هيصرفوا على محبوس احتياطيًا على حسابهم.
مرسى: مش هيصرفوا علينا يعنى.
العوا: طبعاً لأ دى نخلصها دلوقت إن شاء الله مع الدايرة يا مع مصلحة السجون نفسها، نبعت حد.
شاهد الفيديو:
https://www.youtube.com/watch?v=CexARVelHD0&feature