شهادة «كريم»: طلبة ملثمون ضربونا بالنبل.. وبعدها وقع التفجير

الطلبة: مش هنحضر عشان مانديش فرصة للإخوان «يهِيصوا»

«انجز يا محمد، اضرب على راسهم، نشن كويس عشان ماتروحش فى الهوا»، استوقفت الكلمات كريم سعد، طالب بهندسة القاهرة، أثناء مروره إلى جوار بوابات الجامعة الحديدية، وقف يلتقط صورة للمشهد: «كنت جوه الجامعة باصور أصحابى بالكاميرا بتاعتى، ورحنا على البوابات عشان نتصور عندها، لقيت عيال مغطين وشهم بقماشة سودا وماسكين نبلة، وكل واحد جنبه طوب وعمالين يضربوا على الطلاب والعساكر اللى بره الجامعة، صورت واحد منهم من بعيد عشان محدش يشوفنى، وفجأة لقيت صوت انفجار بره».
الشاب العشرينى وأصدقاؤه أصابهم الذعر والرعب: «طلقات خرطوش وناس بتموت وجثث واقعة وهتافات ضد الجيش، وضرب بالطوب من جوه الجامعة، ريحة الغاز اللى خنقتنا، كل ده واحنا جوه الجامعة ولا عارفين نخرج ولا نفضل جوه».
يروى «كريم»: «مش عارفين اللى كانوا بيضربوا علينا بالنبل دول طلاب إخوان ولا عيال بلطجية دخلوا الجامعة قبل التفجير، كل اللى نعرفه إننا مش هنيجى الجامعة تانى حتى لو هنسقط». قرر «كريم» وأصدقاؤه عدم النزول إلى الجامعة نهائياً لخطورة الوضع داخلها: «دى مابقتش جامعة، طول ما احنا بننزل بندى فرصة لطلاب الإخوان إنهم يهيصوا فى الدوشة، واحنا اللى فى الآخر الأمن بياخدنا ظلم وهما بيعرفوا يهربوا»، مؤكداً: «صورت الواد اللى مخبى وشه جوه الجامعة بالنبلة عشان أثبت إنهم بيقدروا يدخلوا، واحنا معرضين لأى خطر، ومش بعيد يكون معاهم خرطوش وأسلحة كمان». الأحداث التى شاهدتها الجامعة من انفجارات، أمس، لن تمنع استمرار الدراسة، بحسب د. أحمد عبدالسلام، الأستاذ بجامعة القاهرة: «طبيعى كل هذه الأحداث لأننا نواجه إرهاباً داخلياً يريد إسقاط طلاب مصر، وعشان كده الدراسة هتكمل وكل اللى بيحصل يزيدنا إصراراً.
الأخبار المتعلقة:
«الوطن» فى زيارة لمنزل العميد المرجاوى: «ما شفناش منه إلا كل خير»
«الإرهابية» تطالب أنصارها ب«مظاهرات ساخنة» اليوم.. وتحاول الوقيعة بين ضباط الشرطة
القبض على 24 إخوانياً يشتبه فى تورطهم فى التفجيرات
التحقيقات فى «تفجيرات الجامعة»: الجناة نصبوا كميناً للشرطة وزرعوا قنابل فى شجرة ولافتة إعلانات
صحف غربية: تفجيرات «جامعة القاهرة» مقدمة لسلسلة عمليات تستهدف إفشال الانتخابات الرئاسية
رئيس جامعة القاهرة ل«الوطن»: تفجيرات «هندسة» دليل على «دموية الإخوان»
عمداء «القاهرة» يتفقون على وجود الشرطة بالجامعة حتى نهاية التيرم.. وشراء كلاب بوليسية
«الاتحادات الطلابية»: عنف الجامعات مسلسل لن ينتهى.. و«الإرهابية» تستخدم الطلاب «رأس حربة»
رؤساء جامعات: سنواجه مثيرى الشغب بقرارات رادعة.. و«عنف الإخوان» لن يعيق الدراسة
تفجيرات القاهرة.. دماء على أبواب الحرم