م الآخر| أمي

أمي، يا أغلى شئ في الوجود
يا ساكنة في قلبي وخالدة خلود
كلمة يا أمي، دي رمز الحنان
وحضنك يا أمي دافي وأمان
أعزك ربي في كل العصور
ووصي عليكي ف كلام من نور
بأنك يا أمي ملاك مش بشر
بتدي يا أمي بدون منتظر
سهرتى معايا وتعبتى كتير
وخوفك عليّا مالو مثيل
تحسي بألامي ولو من بعيد
ده شئ واضعه ربي ف قلبك أكيد
ف حضنك يا أمي كبرنا كمان
وصلنا معاكي لبر الأمان
وصلنا في قصة كفاح من زمان
قصة بيشهد عليها المكان
مكان ما اتولادنا وكبرت ولادنا
بفضلك يا أمى يا رمز الحنان