حبى الأول

لما جيت اكتب عن أمى
شوفت لوحة م الحنان
قلب أبيض كله طيبة
حضن دافى بالامان
فاكرة يا أمه ذكرياتي
فاكرة حلمى بتاع زمان
كنتى بتخافى عليا
حتى من بنت الجيران
بس خوفك كان حنين
حتى قلقك كان حماية
لما كنت أزعل ساعات
ألقى حضنك ده الهداية
كنتى حاسة بيا دايما
كنتى فاهمة كل نظرة
كنت بفرح وقت فرحك
وقت حزنك ألف حسرة
عشتى طول عمرك تكافحي
تبعدى عنى السموم
تضحكى فى وشى يوماتي
وانتى شايلة كتير هموم
كنتى دايما تدعى ليا
ودعوتك كانت شفاء
كات دوا لجروح كتيرة
يستجيب رب السماء
يااااااااااااااااه يا أمي
دأنتى ست بألف راجل
شيلتى حمل جبال عليكي
كنتى دايما تسعديني
والدموع متشالة ليكي
لو حعيش طول عمرى كله
حخدمك برموش عنيا
لازم أفضل جنب منك
دأنتى أغلى الناس عليا