السيسي عن بناء قصور رئاسية جديدة : عملنا وهنعمل.. ومفيش حاجة باسمي

قال الرئيس عبد الفتاح السيسي، إنه لا يجب على الشعب المصري أن يقلق، أو يشعر بالتشكيك في مؤسسات الدولة، حيث إن الدولة ومؤسساتها لن تسمح أن يكون هناك شخص "مش كويس" مستمر فيها، مضيفًا: "ممكن يكون حد مش كويس موجود، وده طبيعي، بس اللي مش طبيعي إننا نقبله أو نشجعه أو نسكت عليه".
وأضاف السيسي، خلال كلمته بمؤتمر الشباب في جلسة "تأثير نشر الأكاذيب على الدولة في ضوء حروب الجيل الرابع": " ناس بتسأل الحاجات اللي اتقالت دي عملتها ولا لا ، اللي بيني وبينكم الثقة ، مش أني اكبر من المساءلة أو اني مش عاوز ارد على كلام يتوجه لي، قالوا إني ببني قصور رئاسية أنا بنيت وببني وهبني ، ومفيش حاجة باسمي، كله للدولة".
وواصل: "العلاقة بيني وبين الناس مبنية على الثقة، لو حد حب يضربها دي حاجة خطيرة، بيقولوا إني بعمل قصور جديدة، أنا بعمل قصور في العاصمة الإدارية الدنيا كلها هتتفرج عليها، أمال إيه، هي مصر شوية ولا إيه، انتوا فاكرين مصر شوية".
وتابع: "بعمل مدينة فنون وثقافة هي الأكبر في العالم، في العاصمة الإدارية الجديدة والعلمين، القصور اللي موجودة في مصر بتاعة محمد علي، هنقف عليها يعني، مصر بلد كبيرة أوي، كبيرة بيكم، وتستحق إنها تتعامل على إنها كبيرة".
ويعتبر المؤتمر الوطني للشباب فرصة للحوار، والتعرف على أفكار الشباب وأطروحاتهم ودعم التواصل بين الدولة المصرية وشبابها، وذلك عقب إطلاق مؤتمر الشباب للمرة الأولى في مدينة شرم الشيخ بمحافظة جنوب سيناء في أكتوبر 2016.
وتعد المؤتمرات الوطنية للشباب ملتقيات دورية للحوار المباشر بين الشباب المصري وممثلين عن الحكومة المصرية ومؤسساتها المختلفة تحت رعاية الرئيس السيسي، كما أنَّها تمثل منصة تفاعلية رفيعة المستوى للتواصل المباشر بين قيادة الدولة، وجميع أطياف الشعب المصري، خاصة فئة الشباب الذي يمثل أكثر من نصف سكان مصر.