ادخلوا «البحر الأحمر» آمنين.. واتصوروا مع «المنقذ»

على بوابات مدخل الغردقة، تقف السيارات المارة بجانب الرصيف، وسط حالة من الفرحة بين أبناء البحر الأحمر والزائرين الذين يسارعون إلى التقاط بعض الصور التذكارية إلى جانب صور ضخمة معلقة على البوابات، للمشير عبدالفتاح السيسى. قال أحمد السيد، الموظف الذى يجمع تذاكر المرور من البوابة: «الإدارة هى اللى علقت الصور، عشان الناس تعرف إن أهالى البحر الأحمر عايزين السيسى رئيس كل المصريين، والإدارة وافقت على وضع تلك الصور بعد إلحاح من العاملين فيها». بوجه مبتسم، وبشرة سمراء تحمل ملامح صعيدية، وقف حسن إبراهيم، أمام صورة «السيسى» قائلاً: «صورونى مع اللى فرح قلوب المصريين، السيسى رئيسنا كلنا»، مشيراً إلى أنه يحتاج للأمن والأمان فى الشارع: «اللى رجع للناس فرحتها ورجع الأمان للشارع هو السيسى، لأنه هو اللى أنقذ البلد من الضياع وحكم الإخوان الإرهابية اللى بيرعبوا فينا ويخطفونا فى الصعيد». عبر الشاب الثلاثينى عن فرحته الشديدة لاستجابة إدارة البوابات ووضعها صورة «السيسى»، بعد موافقة القوات المسلحة على ترشحه لمنصب رئيس الجمهورية، قائلاً: «دى أقل حاجة ممكن نقدمها للسيسى، وده رد فعل طبيعى من الإدارة عشان رغبتنا فى تأييده رئيساً لمصر».