م الآخر| ما بتكلمش

يا حوا وآدم
خرجتو من جنة ربنا
ماكانتش دي تفاحة
هتفرّق شملنا
لو كان للحظة يا آدم
فكرت إيه راح يجرى
وإنك بقدرة قادر
هتغيب في أطول هجرة
هجرت دار الخلود
وغابت عنك القوة
شيطان أسود عنيد
كان ساكن جوه حوا
هبطت الأرض آسف
بزفة شياطين
بالنصر فرحانين
معقول آدم وحوا
بقو بره بعد جوا
لو كان يا حوا آدم
مش عايش حتى جنبك
ليه يبقى مصير ولادك
في الأرض يشيلو ذنبك
والدم يسيل
ويشفى ذلة إبليس وناره
واحنا يصبح نصيبنا
من التفاح مراره