حواس: "شخص دفع 10 ملايين جنيه عشان يوديني السجن.. وربنا نقذني منه"

قال الدكتور زاهي حواس، وزير الأثار سابقًا، إن الله أعطى له كل شيء، ويشعر بأن كرم الله عليه "بليغ"، مضيفًا أن والده قد نصحه بعض النصائح، "أبويا قالوا لي أوعى تحط صباعك تحت ضرس حد هيقطمهولك"، وأنه تعود على أنه لا يّمد يده لأي بشر.
وأكد حواس، خلال حواره في برنامج " 90 دقيقة"، مع الإعلامي محمد الباز، المذاع عبر فضائية "المحور"، :" كل الهيصة اللي عملوها ضدي في 25 يناير كان واقف وراها واحد من أوحش الناس في الدنيا كلها، واحد صاحب أحد المحلات بأحد المتاحف، لما قفلت المحل بتاعه عشان أفتح محل للدولة زعل وبقى يهاجمني".
وأوضح: "الشخص ده صرف 10 ملايين جنيه عشان يدخلني السجن، وفشل الحمد لله ، كان يوزع 200 جنيه لمجموعات من الشباب عشان يرفعوا لافته في ميدان التحرير يقولوا فيها زاهي حواس حرامي، ربنا أنقذني منه".