الحب يصنع المعجزات: أهالى جمعوا تبرعات وصمموا دعاية للمشير السيسى «كمل مشوارك.. سيادة المواطن»

«أحمد»: قلنا ننضف عواميد الإنارة من شعارات رابعة

تأييد ومناشدة معاً، واستباق لإعلانه مرشحاً رئاسياً رسمياً، ظهرت فى لافتات جديدة لتأييد المشير عبدالفتاح السيسى رئيساً للجمهورية، أعمدة الإنارة على جانبى كوبرى أكتوبر تحمل صوراً بحجم كبير عليها صورة المشير السيسى بالبدلة العسكرية، صور السيسى تشبه سابقتها ولكن تختلف فى مطلبها.. حيث تتحدث عنه بلسان المرشح وليس المطلوب للترشح.
«سيادة المواطن وكمل مشوارك»، لقب ومطلب جديدان تحملهما صور المشير السيسى على كوبرى أكتوبر، الدعاية الانتخابية المبكرة للسيسى كانت محل جذب أنظار ركاب السيارات المارة أعلى كوبرى اكتوبر.. حيث تخلو من اسم أو عنوان القائم بها (مجهولة المصدر)، أحمد ناصر- صاحب شركة دعاية وإعلان، ينتظر بدء الانتخابات الرئاسية استعداداً لزيادة الزبائن، قائلاً: «موسم بنشوفه كل كام سنة مرة»، معلقاً على صور المشير السيسى فوق كوبرى أكتوبر «بتتعمل حسب المتر عشان ال10 أمتار بتتكلف 500 جنيه طباعة كمبيوتر نضيفة»- حسب تقديره، يؤكد «ناصر» أن لافتات السيسى تزيد تكلفتها لتدعيمها بإطارات خشبية تحمى الصورة «يعنى ممكن تصرف حوالى 700 جنيه كله على بعضه»- حسب الشاب الجيزاوى. ليس كوبرى أكتوبر وحده، وصلت اللافتات رصيف شارع التسعين فى التجمع الخامس، حيث علق أهالى المنطقة البوسترات أعلى عواميد الإنارة، وسط حالة من الفرحة، وعلى أصوات الأغانى الوطنية. يقطع حديثه أحمد على، من أهالى المنطقة، فى محاولة لتوضيح موقفهم من تعليق اللافتات «قررنا إننا نجمع من الجيران كلها فلوس عشان نعمل صور السيسى ونحطها بطول الشارع، زى ما بنعمل فى رمضان وبنجمع فلوس الزينة»، مؤكداً «لا الجيش مدينا فلوس ولا تبع أى حزب ولا تيار، إحنا تبع مصر اللى بتجمعنا كلنا تحت سقفها، وكل اللى محتاجينه إن السيسى يبقى رئيسنا». الشاب العشرينى يؤكد أن الفكرة جاءتهم حينما وجدوا الإخوان يشوهون الأعمدة بعلامات رابعة «من أول ما مرسى اتخلع وهما عمالين يحطوا إشارات رابعة لحد ما الشارع بقى شكله وحش، فقلنا ننضف الشارع من الهم اللى عاملينه ونحط صور السيسى اللى حامينا منهم.