م الآخر| تسمح تحلم

تسمح تحلم
لا ما اسمحشي ..
اضحك طيب
لاء ما اضحكشي ..
انت كئيب كده ليه يا اخينا
امشي ياض انت بعيد مش ناقصك
طيب قوم بقي من جمبينا
غور ياض ياك تيت تيت مات رت صك
انت بتشتم
لاء أنا بضرب.. خد على عينك
أي يا عنيا.. عنيا اتخرمت
أسكت.. إكتم
أنا ماعملتش حاجه يا حاج
وأنا هستني تفكر تعمل.. إنت تبع إبريل يا واد انت
لاء والله أنا رايح المرج
إيش جابك وقاعد من إمتى
أنا أصلا جاي عشان أشيش
شكلك أصلا تحت السن
لاء والله أنا بس قصيّر.. كل ده بس عشان قولت اضحك
أيون طبعا .. اضحك.. احلم.. وشويه تقولي هنتغيّر.. وإن الثورة وايه ماعرفشي هتمشي الدنيا وتتسيّر
اسمها تتيسر يا حجيجة.. انت ماشوفتش باسم يوسف
ياض أنا شكلي هعلق أهلك.. مين ده كمان.. انت ماسوني
افهم بس يا حج هقولك.. دي لامؤاخذة كاميرا خفية.. بص أهيّه
إيه ده ليه.. طب كنت سايبني أضرب فيك م الصبح يا سيدي
معلش يا حج عشان نضحك.. دمك يلطش
إيه ماسمعتش
دمك شربات وانت بتضرب.. اضرب تاني
لا مايصحش.. برضو انتوا شباب المستقبل
طبعا طبعا.. عمرك روحت يا حج أبو زعبل
لاء ماروحتش
بكره تروح انشالله وتفرح
امسك امسك قبل ما يجري.. الواد رش الشاي علي وشي.. ابن الأزمة.. ملهوش لزمة
اطلب غيره معلش اقعد.. اضحك اضحك
اسكت انت كمان مش ناقصك يحرق يولع أم الضحك