كابوس الثانوية العامة

- أولًا: يعني أية ثانوية عامة؟
هي مرحلة إتمامك لدراستك في التعليم قبل الجامعي
- ثانيًا: لية لازم أخد دروس؟
عشان تعرف طرق الأسئلة وشكلها في الامتحانات، وكمان عشان تجيب مجموع يدخللك الكلية اللي نفسك تدخلها.
- ثالثًا: وطبعا الثانوية العامة مثل زي أي سنة دراسية من ناحية التلقين والحفظ أي إنك تحفظ أكبر قدر من المنهج والمعلومات في أي مادة، وفي النهاية بتكتب كل اللي أنت حفظته في ورقة الإجابة والنتيجة إنك مش بتستفاد بيه في الحياة وبيتنسي.
كل ده بسبب وزارة التربية والتعليم ومناهجها العقيمة في كل المراحل الدراسية التي تعتمد على الحفظ و التلقين فهذة المناهج تحتوي على الكثير من الحشو ومعلومات لا يستفيد بها الطالب، ومش مفيدة له ومملة حتى عندما يتم تحديث المناهج يظل الحشو موجودًا للأسف.
- رابعًا: وكما قلت في البداية أن الثانوية العامة كارثة لأولياء الأمور هي ليست كارثة مادية فقط، بل إنها أزمة اقتصادية لهم والوزارة لا تراعي كم من المال يصرفه رب المنزل على أولاده اللي في الثانوية العامة و أتمنى من الوزارة أن تلقي نظرة على المناهج التعليمية لكل المراحل، خاصة المرحلة الثانية من الثانوية العامة في الأعوام القادمة، وتزيل كمية الحشو اللى موجودة في المناهج.
- أخيرًا: أرجو أن تدعو الله لي أن يوفقني السنة دي وأدخل الكلية اللي عايزة أدخلها وأخلص من كابوس الثانوية العامة.