مقهى للكلاب فى مدينة نصر: أكل وشرب وترفيه.. وكوافير

«ليه تخرج مع صاحبك لما ممكن تخرج مع كلبك؟».. تساؤل طرحه مجموعة من محبى الكلاب، الذين أبرموا اتفاقا مع أحد المقاهى فى منطقة السبع عمارات بمدينة نصر، لكى يقوم المقهى باستقبال العائلات والكلاب على حد سواء، ليقدم لهم ما لذ وطاب من مأكولات ومشروبات وخدمات أيضا خاصة بالحيوانات الأليفة. تقليم الأظافر وتصفيف الشعر والتزويد بالفيتامينات.. قليل من كثير يقدمه المقهى للكلاب التى تأتى إليه. محمد رجائى، أحد منفذى الفكرة، تحدث عنها قائلا: «المقهى عادى جدا، لكنه يختلف عن باقى الكافيهات فى أنه يسمح للكلاب بالدخول ويوفر لهم خدمات، زى الأكل المخصوص، والميه اللى فيها فيتامينات، والأدوية اللى محتاجينها، والإكسسوارات». يوفر المقهى الجديد من نوعه «منيو» خاصة للكلاب، يستطيع صاحب الكلب أن يختار منها ما يناسب كلبه، «بنقدم الأكل بطريقة غير تقليدية، وده بيخلى فيه جو من السعادة والراحة، طريقة التعامل السائدة مع الكلاب وأصحابها غالبا بتبقى سخيفة وبتضايق الناس اللى بتحب حيواناتها»، «رجائى» وأصدقاؤه يحاولون أن ينشروا ثقافة التعامل مع الحيوانات، والتأكيد أنها كائنات أليفة تأكل وتشرب وتنام فى المنازل كالبشر؛ لذا يجب احترامها: «الحيوان ده حاجة طبيعية من خلقة ربنا، مش حاجة مقززة نقرف منها ونبعد عنها».