أخواى على ومريم

الأخ الأوسط يمارس فى نفس الوقت دور الأخ الأكبر مع الأخ الأصغر منه ودور الأخ الأصغر مع الأخ الأكبر منه.
صديقى عمر عصام من محافظة دمياط هو الأخ الأوسط بين أخويه مريم وعلى.. يصف عمر علاقته الجميلة بعلى الذى يعتبر نفسه مسئولاً عنه، وأخته مريم التى تكبره ويحس أنها أمه الصغيرة .. يقول عمر فى سطور رسالته.
أخويا على حبيبى دايما مع بعض فى المدرسة، فى التدريب، فى حجرة واحدة دايما دايما مع بعض، أصحابى أصحابه أصحابه أصحابى، مش باعرف أنام غير وإحنا بنتكلم دايما بخاف عليه هو متهور متسرع بيحب الناس وبيقرب منهم بسرعة بحبه بخاف عليه بتخانق مع أى حد يضايقه ويزعله، بحبه مقدرش أمشى فى مكان من غيره، كل حياتنا مع بعض أخويا وصاحبى ورفيقى زميلى مانقدرش نبعد عن بعض، بنحتاج دايما لبعض نفسى لما نكبر نفضل دايما كده ما نبعدش عن بعض.
إحساسى بمريم أختى مختلف هى أكبر منى ب6سنين بعيدة شوية عننا أنا وعلى، بس مريم كانت بتخاف علينا كتير لما ماما وبابا سافروا العمرة، كانت أمنا الصغيرة هى عسل لما مش بفهم أى حاجة كانت بتفهمنى وكمان بتزعق لى كتير بس بحبها كتيييييييييييييييير.