موقف "بيلا": الشرطة تواجه جشع السائقين.. والركاب: مش هنستسلم

شمس حارقة وزحام شديد، تقف الركاب بموقف بيلا في كفر الشيخ، منتظرين "ميكروباص يحمل ويتحرك"، لكن وجود رجال الشرطة وفرضهم بالتزام السائقين بالزيادة التي اقرتها الحكومة دون زيادة جديدة، دفعت السائقين ان يضربوا عن العمل، بحجة "لو حركنا عربيتنا هنخسر"، اعتراضاً على التسعيرة الجديدة، مطالبين بزيادتها اكثر من الزيادة التي فرضت على أغلب المواقف بعد زيادة اسعار الوقود.
في جو يسوده الغضب من الركاب لوقف حالهم، فاغلبهم لم يعترضوا عن موقف رجال الشرطة لألتزام الساقين بالتسعيرة الجديدة دون زيادة مخالفة، لكن "وقف الحال" هو ما يشغلهم: "الحكومة زودت 3 جنيه على الاجرة القديمة والسواقين عايزين يزودوا 5 جنيه واحنا في النص ومش عارفين نعمل ايه؟"، قالها أحمد غالي، ابن كفر الشيخ، الذي اعجبه شجاعة افراد الشرطة الذين تصدوا ل"بلطجة السواقين" بحسب وصفه: "كنت مبسوط جداً انهم وقفوا للسواقين عشان ميزودوش علينا اكتر من الزيادة اللي زادت على كل الناس عشان البنزين اللي غلي، والسواقين فاكرين أنهم يلوا دراعنا بالاضراب، لكن احنا موفقناش ولا الشرطة استسلمت وفضلت واقفة عشان ميغلوش على الناس".
الموقف الذي أعجب "أحمد"، لم يقبله "محمد وردة" سائق ميكروباص بموقف "بيلا"، معتبرا ان الزياده التي طبقتها الحكومة على الاجرة قليلة بالنسبة لزيادة أسعار الوقود: "نشتغل ازاي بأسعار التسعيرة اللي نازلة وهي متتعداش ال10% والبنزين والسولار زاد 50%، ده غير قطع الغيار اللي زادت الضعف"، لم يرغب "محمد" ان يحمل المواطن اكثر من طاقته، لكن في النهاية يرفض الخسارة بحسب وصفه: "انا مش عايز أكون ظالم ولا أكون مظلوم انا بس عايز حقي، عشان كده بنغلي الاجرة فوق اللي زادت عشان منخسرش".