الرئيس في كلمته: العالم كله شهد بنزاهة الانتخابات الرئاسية

قال الرئيس محمد مرسي في كلمته عبر التليفزيون المصري:
أيها الشعب المصري العظيم، يا صاحب ثورة 25 يناير 2011، أخاطبكم اليوم، وأنا أعرف وأرى وأنتم الآن تنتظرون مني كلمة لتوضيح الموقف، ولتعرفوا بلدنا فيها إيه، وإحنا بنعمل إيه دلوقتي.
كلنا عارفين ما كان قبل ثورة 25 يناير 2011، فساد، تزوير انتخابات، سرقات، ظلم، عدوان على الإنسان وكرامةالإنسان. تأخرت مصر كثيرا بسبب النظام البائد الذي أجرم ومن كان معه في حق هذا الوطن. إحنا قمنا بثورة كلنا مع بعض، ثورة عظيمة جدا ثورة سلمية، كان فيها شهداء، دمهم غالي علينا جدا، لكن لم تكن ثورة دموية. كان فيها مصابين، بروحهم وإصابتهم مبننسهاش. الحمد لله مرينا مرحلة انتقالية، واكتسبنا قدرة بإرادة حرة وعملنا انتخابات حرة نزيهة شهد لها العالم كله أنها أول انتخابات في تاريخ مصر كان فيها إرادة المصريين واضحة وبارزة.
المصريين إحنا، في الانتخابات الرئاسية في يونيو 2012 اللي فات، أعلنوا بوضوح للعالم أنهم اختاروا رئيسا بطريقة حرة.