بالفيديو| حلقة جديدة من «الصراع» بين الإخوان والمنشقين في السودان

حلقة من الصراعات تتمدد يومًا بعد الآخر بين جماعة الإخوان من قيادات "جبهة محمود عزت" أو "المكتب القديم" كما يُطلق عليه وجبهة شبابية أخرى باسم "المكتب الجديد"، فبعد أن نشر مجموعة من الشباب فيديو قصير يشرحون فيه كيفية طردهم من مساكن الإيواء الخاصة بالجماعة في السودان لاختلافهم على القيادة، ظهر آخرون اليوم ليبرروا أسباب الطرد، في طريقة تفضح ما خفي بين الأعضاء.
يوضح شباب محافظة الإسكندرية في الفيديو القديم إنهم "في الشارع" وتم طردهم من السكن في خلاف يعود إلى شهر ونصف مضوا، بسبب النقاض حول أداء الجماعة، مشيرين إلى أنهم تم تصنيفهم على أنهم منشقين وطلبوا من البعض ترك السكن بحجة "أنهم مش إخوان"، وعلق الشاب المتحدث في الفيديو بقوله إن إمكانياتهم ضعيفة ولا تسمح لهم باستئجار سكن آخر وإلا كانوا فعلوها منذ الخلاف، وأن الشباب بعضهم يقبض ما يقرب من 2000 جنيه وبعضهم لا يعمل في حين الإيجارات تصل إلى 6000 آلاف جنيها "بعض الإخوة اللي كنا بنستاق منهم المبادىء والقيم للأسف الشديد وصلوا بينا للمشهد ده".
واليوم، ظهر فيديو آخر لثلاثة شباب يردون على طرد الآخرين من السكن، حيث قال أحدهم، إن المشاكل التي حدثت مع شباب الإسكندرية لم يشعر بأنها بسبب مشاكل داخلية، ولكنها بسبب انشقاقهم تماما عن الجماعة، وأجروا انتخابات لوحدهم وكونوا تلك المجموعة "وقالوا فكر وعقيدة وهنعمل لكن مشوفناش أي حاجة منهم".
وأضاف حول تبرير طردهم: "في نفس الوقت بتاع الانشقاق كانوا قاعدين مع قيادات الإخوان في السكن بتاعهم وكانوا بياكلوا من الدعم بتاعهم، وكانوا بيعملوا كل حاجة من الدعم، وده مينفعش أنا انشق تماما عن الإخوان وتقعد معايا في السكن وادعمك بالعكس هقولك اتفضل برة".
وتابع شاب آخر أنه كان يتحدث مع عدد من الشباب "بيقولي الإخوان وصلوني إني أشرب حشيش والإخوان وصلوني إني أنا انحرف والإخوان وصلوني إني أعمل لكذا وكذا قولتله إزاي الإخوان وصلوك أنت لو عايز تعمل كدة هتعمل كدة".
وظهر أحد الشباب معلقا على ما يحدث من "مشكلة كبيرة جدا" على حد وصفه وخاصة ما يحدث في السودان، قائلًا: "عاوز أقولكم اللي بيحصل في السودان هناك بعض التجاوزات، وحصلت بعض التجاوزات مني أنا شخصيا، أنا من المكتب الجديد عشان محدش يقولي أنت بتقوّل الكلام أو بتغيره، بعض الإخوة اللي ظهروا في تسجيل الفيديو اللي اتنشر من أيام بيقولوا احنا اتطردنا من السكن وبيقولوا الإخوة طردونا، الإخوة دي بعضها من مكتب شورى المكتب الجديد".
وأضاف: "بالعقل عندنا سكنات وشقق خاصة بالمكتب الجديد، وأما جينا قولنا يا جماعة لو سمحتم عشان ميحصلش أي مشاكل بينا وبين الناس نروح السكنات قالوا بس خلوا الشنط بتاعت كل واحد في مكانها تبع المحافظة بتاعته وميمشوش من السكن ولوهما قالولكم أمشوا قولولهم لا إنتوا مبتصرفوش علينا ولو كتروا في الكلام ننزل نعرف الناس حقيقتهم يعني بمعنى أصح بيحرضونا نفتعل مشاكل مع إخوانا في المكتب القديم لبناء شعبية ملهاش تفسير تاني لبناء شعبية في المكتب الجديد بدل بناءها بالعمل والجد على الأرض، وده اللي أنا فوجئت بيه بقينا نبني شعبيتنا بأننا نشتم في المكتب القديم وإن هما بيطردونا".