زوج أسماء محفوظ متغزلاً في شقراوات تركيا: "هما دول البنات مش الغفر اللي عندنا"

صورة لثلاث فتيات تركيات شقراوات يحاولن حماية أنوفهن من رائحة الغاز المسيل للدموع، وضعها الناشط السياسي الدكتور محمد رضا، زوج الناشطة السياسية أسماء محفوظ على صفحته الشخصية بموقع "فيس بوك"، معلقًا: "لما دول يترمي عليهم غاز أمال "الغفر" اللي عندنا زعلانين ليه إنهم بينضربوا حي، دا أنا لو من الداخلية عندنا أضربهم بأسلحة بيولوجية"، وأنهى الطبيب تعليقه بعبارة "متضامن مع بنات تركيا".
الصورة التي نشرها الدكتور محمد، طبيب الأطفال، على صفحته أمس، حازت على إعجاب أصدقائه، وشاركه في نشرها أكثر من 90 شخصًا، أما التعليقات التي زادت عن المائة، فكانت ساخرة من موقف زوجته الناشطة إزاء تعليقه على مغازلة فتيات تركيا، وتعليقات أخرى تضامنت معه في غزل الفتيات.
وجاءت بعض التعليقات خاصة من الفتيات مهددة إياه بإخبار أسماء، وقالت إحدى الصديقات "لو العصمة في إيد أسماء بعد البوست ده أكيد هتبقي طلاق"، وتساءل أحد أصدقائه "غفر ؟؟ وأسماء عارفه إنك بتقول كده؟"، "هي أسماء ساكتة عليك ليه عايزة اعرف ؟"
وبعض التعليقات كانت ناقدة، "يا دكتور حضرتك متجوز وبعدين إحنا غفر ليه يعنى هو اللى بيتمسك بقيمه ودينه وتقاليد بلده، يبقى غفر"، وتعليق آخر " تكسب أختي اللي حمتني في العباسية والتحرير وقالوا لابسة عباية كباسين".
أما التعليقات المؤيدة والتي جاءت أغلبها من الرجال، "هما دول المتظاهرات اللي يشرحوا القلب دي حتى تبقي ثوره زي الفل"، "دول مفروض يترمى عليهم.. بسبوسة بالقشطة أوعسل أبيض"، وتعليق آخر من سيدة "على رأيك ده كمان الرجالة اللي عندنا عايزين ينضربوا بمولوتوف. أصلك ما شوفتش رجالتهم عامليين إزاي".
قبل أن ينشر الدكتور محمد هذه الصورة التي أثارت جدلاً واسعًا من التعليقات، كتب على صفحته، "اشمعنى الإسلاميين كانوا بيروحوا يجاهدوا في سوريا.. أنا عايز أروح أناضل في تركيا ماليش فيه.. افتحولنا باب النضال في تركيا.. ده في هناك نضال إنما إيه عنب".