قال الرئيس عبدالفتاح السيسي، ردا على شكوى أحد أهالي محافظة أسوان، من اختلاط مياه صرف الكيماويات بمياه الشرب في كيما: "اللي بنقدر نعمله هنعمله، واللي مانقدرش عليه، نقول هنعمله بعدين". وأضاف السيسي، خلال مشاركته في اليوم الثاني من المؤتمر الوطني للشباب في أسوان: "واضح انكم مش مستريحين، تعالوا كلنا نروح نزور محطة الصرف، يا نستريح مع بعض أو نفضل قلقانين، ماتعمليش المشكلة وتقولي حلها، إحنا مش عايزين نستخبى من بعض، مش عايزين نخبي مشاكلنا". وتابع السيسي: "الموضوع مشترك، مصر في رقبتنا كلنا مش رقبة الحكومة بس، المشكلات اتراكمت في ال6 سنين اللي فاتوا، خلوا بالكم إحنا بنعالج مشكلات بقالها سنين طويلة وتفاقمت". وافتتح الرئيس عبدالفتاح السيسي، أمس، فعاليات المؤتمر الوطني الثاني للشباب الذي تستضيفه أسوان، بمشاركة أكثر من 23 وزيرا، و1300 شاب، وشخصيات عامة، وأعضاء مجلس النواب عن الصعيد.