الوجوه الزبالة فى الأيام الزبالة!

أنا الداكتوووور زازا رمضان عبدالنبى السيد بخيت عز العرب بهنس تربوش كل ده! مافيش تانى؟ عموماً أهلاً بيك يا دكتور ظاظا، بس لو سمحت توطى التليفزيون علشان نسمع بعض كويس.
وتى التليفزيون يا بت! ماشى كده؟
نقدر نعرف حضرتك دكتور فى إيه؟
أنا داكتووور فى الهندسة.
أى فرع من فروع الهندسة؟
فى الهندسة عموماً. مش فى تبيب عام؟ أنا بقى مهندس عام.
يا ترى إيه رأى حضرتك فى اللى بيحصل دلوقتى فى مصر؟
أكسم بالله العزيم! أكسم بالله العزيم إن أنا مش إخوان ولا لى أى علاكة بيهم، لا هم ولا حزب الوست والإسلاح والتنمية والبناء والأسالة وبتوع حازمون، ولا أى حاجة من دى خالس، لكن الشهادة لله: الإخوان دول أحسن ناس حكموا مسر من أيام مينا لحد النهارده الكزارة اللى كات ماليا الشوارع مش حاقول لك خلاص ما بقيتش موجودة، بس تقريباً خلاس كل فين وفين لما تلاقى كزارة أحلف لك بإيه يا شيخة؟ كل ما أقابل واحد من الشباب، يروح قايل لى: مش أنا لقيت شغل يا داكتوور زازا! العشرة اتناشر واحد اللى لسه ما اتعينوش، الفلول شغالين عليهم عمال على بتال. الزحمة بالنهار بس. إنما من اتنين تلاتة بعد نس الليل، مافيش زحمة إتلاكاً انزرى إلى النس المليان من الكوب.
يعنى حضرتك باختصار مش شايف أى مشاكل فى مصر؟
تبعا شايف هو فيه حتة فى الدنيا مفيهاش مشاكل؟
الحمد لله طب إيه هى مشاكل مصر حالياً؟
الإعلام المنحرف والكداء الفاسد وشيخ الأزهر.
نحب نسمع رأى ضيفتنا الدكتورة مليكة سيف فى كلام الدكتور ظاظا؟
بالظبط زى خطبة عبدالفتاح القصرى قدام المحكمة فى فيلم الأستاذة فاطمة.
********
العناكب ذات الظهر الأحمر اكتشف علماء الحشرات فى مدينة تاكايشكى باليابان أن عضتها تصيب الإنسان بالاكتئاب الشديد، إلى درجة تزايد الرغبة داخله فى الانتحار، فى بلاد أخرى كل ما يصدر عن اللى بالى بالك له نفس المفعول.
*********
الزبالون ليسوا أقل أهمية من محمد مرسى، ليسوا أقل أهمية فى الحقيقة من كل أعضاء جماعة الإخوان بدليل أن المرشد وجماعته ومرسيه لو نظموا إضراباً يستمر عشرين عاماً بأكملها فلن يطالبهم أحد إلا بالاستمرار فيه إلى الأبد، أشهر صناع الموضة الباريسية من أمثال كارتييه، أو كريستيان ديور لا يمتلكون من أسلحة الضغط على الحكومة الفرنسية ما لنقابة الزبالين المسموعة الكلمة حتى داخل قصر الإليزيه إما الاستجابة لمطالبهم أو الكوليرا والطاعون الأصفر أو الأسود، من قال إن الزبالة هى فقط تلك التى تخرق العين على النواصى أو داخل حتى المستشفيات؟ نحن محاصرون بالزبالة من كل اتجاه طوال النهار نتنقل من مزبلة إلى أخرى، أطفالنا يذهبون كل صباح إلى المدارس الزبالة، ليتلقوا التعليم الزبالة، الناس أصبحوا يتصارعون مع القطط والكلاب على محتويات صفائح الزبالة، تطاردنا الوجوه الزبالة من أصحاب الضمائر الزبالة فى الصحف الزبالة أو البرامج الزبالة فى تليفزيون الحكومة الزبالة، مجلس الشورى يطلق علينا بلا توقف عشرات القوانين الزبالة لا لشىء إلا لأننا نعيش بالصدفة فى هذه الأيام الزبالة.