إنجي المقدم تزور مرضى "أبوالريش": "محتاجين مساعدتنا أكتر من أي وقت فات"

نشرت الفنانة إنجي المقدم، عبر صفحته على موقع التواصل الاجتماعي "فيس بوك"، صورتها في أثناء زيارتها مستشفى أبوالريش.
وعلقت المقدم، على الصورة قائلة: "البنت دي اسمها فاطمة، بتتعالج في مستشفى أبوالريش للأطفال.. المستشفى اللي بتعالج كل الأطفال من سن يوم واحد ولحد 14 سنة بالمجان، وبتعالج كل الأمراض ما عدا الأمراض السرطانية".
وأضافت: "مستشفى أبوالريش حكومي وبتعالج بالمجان، لكنها بتعتمد على التبرعات، وماعندهاش قدرات مادية إنها تعلن عن نفسها في حملات إعلانية كبيرة سواء في التلفزيون أو الراديو أو أي وسيلة إعلانية كبيرة ومنتشرة".
وتابعت: "رحنا المستشفى دي وشفنا كم الأطفال المرضى هناك، وكم المجهود المبذول لعلاج الأطفال دول، ومساعدة أهاليهم الغلابة، وبجد مجهود محترم في ظل قدرات محدودة وظروف صعبة.. الأطفال دول محتاجين مساعدتنا دلوقتي أكتر من أي وقت فات، والبلد ظروفها الاقتصادية وحشة وكله خايف من المستقبل، بس تعالوا نقاوم إحساس الخوف ده ونساعد بعض ونخرج فلوس، وأكيد هاتفرج علينا كلنا إن شاء الله".