"إحنا مش سبوبة".. حملة طلابية ضد ارتفاع أسعار مصروفات الجامعات الحكومية

"ارتفاع الأسعار".. أزمة تعاني منها معظم البيوت المصرية، بخاصة في ظل ارتفاع سعر صرف الدولار، وما تبعه من ارتفاع أسعار بعض السلع الغذائية والخدمات، لكن ارتفاع الأسعار لم يطال الغذاء فقط، بل امتد إلى المصروفات الدراسية في الكليات، ما أثار غضب الطلاب ودفعهم للاحتجاج.
مجموعة من طلاب كلية الآداب بجامعة عين شمس، دشنت حملات مناهضة لارتفاع أسعار المصروفات الدراسية المقررة للعام الجديد، عبر "فيس بوك"، تحت عنوان حملة "مش هندفع" و"احنا مش سبوبة"، وطالبوا المسؤولين في الجامعات بتخفيض المصروفات، ومراعاة غير المقتدرين ماديا.
يقول أحد مؤسسي الحملتين- طلب عدم ذكر اسمه-: "ليه المصاريف تزيد أكتر من 3 أضعاف سعرها وفجأة كدا؟، فين مجانية التعليم؟، إحنا مش ضد نظام الجامعة، بس يعني إيه بعد ما كنا بندفع انتظام فرقة تانية وتالتة ورابعة 141 جنيه، ندفع 469 جنيه؟".
وأضاف أحد مؤسسي الحملتين، ل"الوطن": "السنة الي فاتت فيه امتحان فاتني ولجأت للوكيل وساعدني، وامتحنت رغم إصرار ورفض الدكتور، عشان كده إحنا ناويين نلجأ للوكيل برضه في بدايه السنة، عشان يسمع لينا في موضوع المصاريف يمكن حد يساعدنا".
أما إسلام أحمد، وهو أحد الطلاب المتضررين من ارتفاع أسعار المصروفات الدراسية، فيقول: "المصاريف زادت في 4 سنين بس 600 جنيه، كانت 120 جنيه أول ما دخلنا، ودلوقتي بقت ب820، وطلبنا من الكلية دلوقتي تنزل سعر المصاريف ل400 جنيه زي السنة اللي فاتت".
وكانت الصفحة الرسمية لكلية الآداب بجامعة عين شمس، نشرت أسعار المصروفات الدراسية لطلاب الفرقة الأولى، 689 جنيه للانتظام، و1046 جنيها للانتساب، والفرق الثانية والثالثة والرابعة، 469 جنيها للانتظام، و821 للانتساب، أما مصروفات المؤهلات العليا "انتساب فقط"، فبلغت 5 آلاف جنيه، إضافة إلى 896 جنيها.