بالفيديو.. الهلالي الشربيني يرد على «أخطاء فيس بوك»

انفعل الدكتور الهلالي الشربيني ، وزير التربية والتعليم والتعليم الفني، على الإعلامي رامي رضوان، المذيع بقناة «TEN»، بعدما وجه له سؤالا حول «كتاباته على فيس بوك».
وقال «رضوان» للوزير، السبت: «النهاردة الناس على المواقع الاجتماعية شيروا بوستات ليك فيها أخطاء إملائية»، فقاطعه الوزير أثناء إجراء مداخلة هاتفية، قائلا: «لا إله إلا الله، يا أخي الفاضل ناس كتير اتصلوا بيا وكلموني، وأنا بشتغل من ساعة ما دخلت الوزارة، وأقسملك بالله ولا فتحت فيس بوك، ومعرفش بتتكلم على ايه».
فقال «رضوان»: «سيادتك أنا بقولك اللي حصل أهو، والناس بتشير بوستات قديمة لحضرتك مش وليدة اللحظة أشعار وخواطر وبيقولوا حضرتك قفلت الصفحة دلوقتي»، فرد عليه الوزير، قائلا: «يا سيدي أنا صادق في اللي بقوله، وبالفعل مشفتش حاجة من اللي بيتقال عني، من فضلك لما أشوفه الأول هبقى أرد».
وأضاف «رضوان»: «مش عارف حضرتك متعصب ليه، المسيرة لسه طويلة، البوستات دي بقولها لحضرتك علشان الناس بتتكلم عليها، وبغض النظر حضرتك قفلت الصفحة واللا لا؟»، فرد الوزير: «من فضلك لما أشوفه وحضرتك لما هتسألني هرد عليك، وكل اللي بتسألني فيه هرد عليك، إحنا جايين علشان نشتغل بس
Video of البيت بيتك - وزير التربية والتعليم ينفي التصريحات المنسوبة له بشأن المعلمين واهم المهام التي سيفعلها