تأكيدا لإنفراد الوادي: مها بهنسي تؤكد عبر حسابها: خبر إيقافي عن العمل صحيح

نشرت الإعلامية مها بهنسي مقدمة برنامج " صباح التحرير ويك إند" علي شاشة التحرير عبر حسابها الرسمي علي موقع التواصل الإجتماعي قائلة:" خبر إيقافي عن العمل صحيح .
وتوجهت بهنسي بالشكر قائلة:"أحب اشكر الناس اللي بعتتلي الاف الرسائل و مئات التليفونات التي لم تتوقف لدعمي و التضامن الكبير معايا لفهمهم ما حدث من تشويه لي "
وأضافت قائلة:"المعركه اللي ضدي معركه سياسيه و ليست بسبب تصريحات بدليل انهم نسيوا الجناه و المجني عليها و مسكوا في كلمه غير مقصوده علي الهواء و لكنني لن اضعف.
وأكدت أنها ستظل تحارب كل من خان مصر و تدعم كل مؤسسات الدوله من جيش و شرطه و قضاء قائلة: " لازم تفهموا أن الحرب الجايه هتكون ضد نساء مصر علشان شلنا أرواحنا علي أكتافنا و انقذنا البلد من الخونه و الارهابيين بنزولنا في استفتاء الدستور و انتخابات الرئاسه .
وتابعت قائلة: "فكر لو لثانيه مش ممكن أكون انا صح حتي لو 1% و فعلاً تصريحي ( الشعب مبسوط خليه يهيص ) كان علي فرحة الناس مش علي واقعة التحرش !! و الاغرب ان الناس اللي قال ايه بيدافعوا عن الستات اللي بيتم التحرش بيهم جايين الصفحه يشتموني و يتوعدوني بالتحرش و الاغتصاب , علشان بس تفهم انهم بيحاربوا شخصي لدوري في محاربتهم و كشف حقيقيتهم و طبعا اقصد الاخوان و الطابور الخامس.
وأردفت : "فكر كمان ثانيه تانيه , واحده مؤيده للجيش و للسيسي و انتخبت السيسي و لم تتوقف عن دعمه " اللي هو انا " هقوم افرح في ست زيي مؤيده للسيسي زيي نازله تحتفل بفوز السيسي زيي ان كلاب سعرانه اتحرشوا بيها !! اي منطق و اي عقل يصدق الكلام دا".
واستطردت :"أحب اعتذر لكل مرأه و رجل تأثروا بالفيديو و التصريح الغير مقصود نهائياً و من الطبيعي ان اي حد عاقل لا يمكن يصدق ان مرأه تؤيد التحرش و التحرش مرفوض بكل معاني الكلمه و لو وصل الحكم علي المتحرش بالاعدام هكون من اول مؤيدي الحكم.
وكان موقع " الوادي " قد نشر صباح اليوم خبر يفيد بإيقاف بهنسي عن العمل بشاشة التحرير علي خلفية تعليقها الساخر علي واقعه تحرش فتاة التحرير.