مذيعة "التحرش": "راجعة تاني.. واللي حصل سوء حظ"

في أول تعليق لها بعد قرار مجلس إدارة قناة التحرير، بإيقافها عن العمل بشكل مؤقت، بسبب تعليقها على وقائع التحرش التي حدثت بميدان التحرير، خرجت المذيعة مها بهنسي في تغريدة على موقع التواصل الاجتماعي "فيس بوك" لتبدي حزنها عما حدث.
وقالت" انا اعتذرت بالفعل رغم انه خطا غير مقصود، وبرغم كده الشتائم زادت،. يبقى فرق ايه الاعتذار !!! .. وفعلاً انا مكنتش بعلق على كلام المراسلة نهااااااائي .. للاسف سوء توقيت وسوء حظ، الحمد لله على كل شيء.
وأضافت في ردها على الأعضاء على خليفة تعليق مصور يحمل مطالبة بإعدام كل متحرش قامت بنشره:" معقولة انا كواحدة ست هضحك على جريمة زي دي ؟!".
وتابعت خلال بيان نشرته" خبر ايقافي عن العمل صحيح بس راجعة تاني ان شاء الله، ولكن دي اخر كلمة هقولها في الموضوع دا علشان مش هتكلم فيه تاني :
1- احب اشكر الناس اللي بعتلي آلاف الرسائل ومئات التليفونات التي لم تتوقف لدعمي والتضامن الكبير معايا لفهمهم ما حدث من تشويه لي.
2 – المعركة اللي ضدي معركة سياسية وليست بسبب تصريحات بدليل انهم نسيوا الجناة والمجني عليها ومسكوا في كلمة غير مقصودة علي الهواء ولكنني لن اضعف وسأظل احارب كل من خان مصر وسأظل ادعم كل مؤسسات الدولة من جيش وشرطة وقضاء، ولازم تفهموا إن الحرب الجاية هتكون ضد نساء مصر علشان شلنا ارواحنا علي اكتافنا وانقذنا البلد من الخونة والارهابيين بنزولنا في استفتاء الدستور وانتخابات الرئاسة.
3 - فكر لو لثانية مش ممكن اكون انا صح حتي لو 1% و فعلاً تصريحي ( الشعب مبسوط خليه يهيص ) كان علي فرحة الناس مش علي واقعة التحرش !! والاغرب ان الناس اللي قال ايه بيدافعوا عن الستات اللي بيتم التحرش بيهم جايين الصفحة يشتموني ويتوعدوني بالتحرش والاغتصاب , علشان بس تفهم انهم بيحاربوا شخصي لدوري في محاربتهم وكشف حقيقتهم وطبعاً اقصد الاخوان والطابور الخامس.
4 - طيب فكر كمان ثانية تانية , واحده مؤيده للجيش وللسيسي وانتخبت السيسي ولم تتوقف عن دعمه "اللي هو انا " هقوم افرح في ست زيي مؤيده للسيسي زيي نازله تحتفل بفوز السيسي زيي ان كلاب سعرانه اتحرشوا بيها !! اي منطق وأي عقل يصدق الكلام دا.
5- احب اعتذر لكل مرة ورجل تأثروا بالفيديو والتصريح الغير مقصود نهائياً و من الطبيعي إن اي حد عاقل لا يمكن يصدق ان مرأه تؤيد التحرش والتحرش مرفوض بكل معاني الكلمة ولو وصل الحكم علي المتحرش بالاعدام هكون من أول مؤيدي الحكم.
شاهد الصور: