-عيد ميلاد الزعيم عادل أمام.. كل سنة وانت ضحكة بتدخل القلوب من غير أستاذان. الغائبون الحاضرون في دراما رمضان 2019 الزعيم: عادل أمام الدكتور: يحيي الفخراني اللؤلؤة: يسرا الست اللي مش بتنكد علينا: نيللي كريم إله التويست: يوسف الشريف المز: عمرو يوسف الإنسان: أحمد مكي المطرب والممثل: محمد كيلاني الممثلة: هند صبري المز 2: آسر ياسين اللواء أركان حرب: محمد فؤاد -صحيح قبل ما أنسي هو فين مسلسل الظاهر بتاع محمد فؤاد، أظاهر قناة الحياة نسيت تعرضه "قلش رخيص". -برنامج "كريزي تاكسي" جميل والممثل إبراهيم السمان عامل فيه شغل هايل. -ولد الغلابة: أنا هعدي لك ياسقا، انا ماسك محمد ممدوح ماسح بيه الأرض، وهعدي لك أنك بتضربه يد بتوديه آخر الكادر، إنما ياراجل نضارتك في كل المطحنة متتحركش من مكانها ايه دبل فيس . -ولد الغلابة: أول مشهد حريق وموت شرير وتاجر مخدرات يحزن عليه المشاهدين عن محمد ممدوح أتحدث. -ولد الغلابة: أقترح علي أيمن سلامة أن أحمد السقا يكون بيحلم ونرجع محمد ممدوح وهادي الجيار تاني، منعاً للإحراج. -ولد الغلابة: بمناسبة الاقتراحات بعد الظهور التالت لأشرف مصليحي كضابط في مسلسل السنة دي. أقترح عليه يقدم في كلية شرطة. -إوعي تصدق إن الغلابة في الظلم هيفضلو غلابة ولا الشرفاء في الجوع والحوجة هيفضلو شرفاء "ولد الغلابة". -بدال الحدوتة 3: بداية غير مبشرة للحدوتة الثانية. -بدال الحدوتة 3: كان عندي أمل أضحك أكتر في الحدوتة التانية، بس للأسف. -بدال الحدوتة 3: ذنبي أيه أقعد أتفرج علي دنيا سمير غانم دقيقة وهي بتشرح لايف عن نضارة بشرتها وهي صاحية من النوم. -بدال الحدوتة 3: أفضل ما في الحلقة مشاهد أحمد رزق. -بدال الحدوتة 3: اللي معاه قرش، بيسوى قرش، واللي معاه فولور بيسوى ميت قرش دنيا سمير غانم. -الواد سيد الشحات: أكرم حسني، ظهوره في أي مشهد حتي لو أكشن كفيل أنه يقلبه صريخ ضحك. -الواد سيد الشحات: محمد عبد الرحمن، أفضل من أنجب مسرح مصر. -الواد سيد الشحات: أحمد فهمي، الذكي في الكوميديا لا يقل عن العلماء اللي وصلوا القمر بالظبط. -كلبش 3: أنصح كل صناع الأعمال الفنية اللي بيشروا أنهم تريند علي تويتر، مشاهدة مشهد هشام سليم وهو بيتكلم أزاي تخلي أي موضوع تريند، يمكن يهمدوا شوية. -كلبش 3: ظهور المخرج بيتر ميمي في عزاء محمود علوان بيؤكد أن المخرج الحنين رزق. -الحزن المكتوم ده أخطر من السم يسرا اللوزي "كلبش 3". فاصل إعلاني -بما أن لجنة الدراما مكلفة نفسها وعماله تطلع في بيانات عن الكوارث الأخلاقية اللي في المسلسلات السنة دي، أحب أقولهم في إعلان لبوكسرات دايس هايل لازم تشوفه. رجعنا لكم تاني -زلزال: كل يوم بتأكد أن حلا شيحا حالة من النشاز داخل المسلسل، وأن قدرتها الفنية أهم من كده بكتير. -زلزال: أحمد صيام بيقول لمحمد رمضان البس بدلة جديدة وهات تورتايه فورسيزون، إنتوا متأكدين أنه مسلسل في التسيعينات. -زلزال: وجود أحمد صيام في أي عمل بيفرق كتير. -زلزال: الفرق بين عبد الرحيم كمال "اهو ده اللي صار" وعبد الرحيم كمال "زلزال" هو محمد رمضان والحدق يفهم. -حكايتي: بقه من أمنياتي في رمضان السنة دي، أفتح المسلسل والاقي ياسمين صبري بتمثل مشهد واحد حلو، متخيل يامان. -حكايتي: أحمد حاتم بيحب ياسمين صبري، أحمد جمال سعيد بيحب برضه ياسمين صبري، تخيلوا بقه أن أحمد صلاح حسني بيحب هو كمان ياسمين صبري، في رجالة تانية بتحبها ولا كده تمام. -حكايتي: خلصنا من الفرنساوي بتاع وفاء عامر، طلع لنا الإنكليزي بالكاف بتاع سارة نخلة صبرنا يارب. -مملكة الغجر: المفروض مشهد فيه سناء شافع بيسلم خشبة مسميها السلوجان لفيفي عبدة، بس هو في الحقيقة بيسبلها، سلوجان برضه ياراجل. -مملكة الغجر: جايزة أفضل مسلسل مش كوميدي بس بيضحك أكتر من الكوميدي ذات نفسه. -البرنسيسة بيسة: الأسخف من ريأكشنات مي عز الدين، يكون الترويج لبعض الاسكتشات السمجة في المسلسل على إنها أسكتشات ضحك وكده. -زي الشمس: علل.. عمر السعيد نازل بحمله عشان يقبض علي أحمد مالك، دينا الشربيني نازلة معاه ليه ، هو رايح كوكي بارك. -زي الشمس: نفسي أعرف مين أختار، وليه أختار، وإزاي أختار بنت ريهام عبدالغفور الكبيرة في المسلسل، بصوتها ده اللي مش راكب خالص علي شكلها ، تعديل طلعت بنت جوز داليا البحيري "أني أسف". -علامة أستفهام: أن الحلقة ال 11 تبتدي ب4 بنات واقفين في حفلة لعازف الساكس محمد رجب وكل واحدة بتبعت له بوسة بيثبت أن الچان اللي جوه محمد رجب لا يموت ولا يستحدث من عدم. -علامة أستفهام: أنا بسحب كلامي عن المسلسل في أول رمضان بعد الايفيهات اللي بيقولها محمد رجب وبيضحك عليها الممثلين اللي معاه في المشهد. -لا شكر على موهبة، ولا حياة بدون موهبة.