ريم البارودي ترد على أحمد سعد :" كفاية هبل وقلة أدب" (صورة)

نفت الفنانة ريم البارودي تصريح زوجها السابق أحمد سعد ببرنامج "شيخ الحارة" ، إنه تزوج منها لمدة 6 أيام فقط.
وكتبت البارودي على حسابها الشخصي عن طريق خاصية ستوري بموقع “انستجرام” : “سمعت أني اتجوزت 6 أيام لا أنا أصل اتجوزت رسمي على الورق دقيقة أمام الله بعد سنين طويلة ها، مش مهم المهم بقا كفاية هبل وقلة أدب واللي مش حسمح بيه أن ياحرام اننا اتعملنا عمل من إحدى زوجاته عشان نطلق بعد 6 أيام”.
وأضافت ” اللي كانوا على علاقة ساعتها اقسم بالله وحياة شهر كريم أنا عاملة حساب مرضك مش أكتر، ولو على الاعمال أنا بقا بطلب من أسرة مسلسل السبع بنات حد يقول الي حصل في الكواليس، ملحوظة”.
واختتمت كلامها: ” بعد 14سنة محاولات لإصلاح بني آدم اتجوزت 21 يوم العمل عمل الله”.
وكان سعد خلال حواره أكد أن بين عقد الجواز والطلاق 6 أيام بس، كنا أصحاب وحبينا بعض وبعدها أتخطبنا واتجوزنا وقعدنا 6 أيام وتم الطلاق”.
كما واجهت الإعلامية بسمة وهبة، المطرب أحمد سعد، عن علاقته بالفنانة سمية الخشاب، أثناء زواجهما بأن الأخير كان يتحدث مع الفنانة ريم البارودى بالرغم من وجوده من الخشاب، وهى ما زالت على ذمته.
وقال سعد، خلال استضافته ببرنامج شيخ الحارة، إنه ريم بكت عليه فى يوم من الأيام خلال وجوده بشيخ الشيخ، مطالباً سمية الخشاب بالنظر بين السطور وليس فى السطور نفسها على حد قوله، قائلا:”هى قالت انى حبيب ناس كتير، إذا هى عندها حالة من الكبر مقلتش ده حبيبى”.
وردت بسمة وهبة:”يمكن تقصد حبيب ناس كتير انك بتخونها”، ليعلق سعد قائلا:”لا أنا مش خاين، ترد بسمة واللى طلعناه انا وريم ده أيه بعينى اللى هياكلهم الدود دول تليفون ريم رسائل منك”، ليرد قائلا:”هى بعتالى رسايل وأنا بعتلها رسايل وهى مكلمانى وأنا مكلمها ده عادى جدا واسمعك كمان”.
وقالت الإعلامية بسمة وهبة:” أمال اللى أنت بتعمله ده أيه متجوز سمية الخشاب وبتكلم ريم البارودى”، ليرد قائلا:” مش بنكلم بعض خالص، وأنا مش بكلم ستات وأنا كنت بكلم ريم مش حب وموب وأسد ودوب”.