بعد شهر من الزواجتطلب الخلع«عايدة»: زوجى يخاف من "الضلمة"

من بين الكثير من القصص المأسوية التى تمتلئ بها محكمة الأسرة، هناك العديد من القصص التى تتميز بالغرابة والطرافة فى أغلب الأحيان، ومن بين تلك القصص دعوى خلع أقامتها إحدى الزوجات ضد زوجها بعد أقل من شهر على زواجهما، تتهمه فيها بخوفه الشديد من الظلام، مؤكدة أنها لا تستطيع إكمال حياتها الزوجية مع زوج جبان.
وقالت الزوجة عايدة.ع 22 سنة فى دعواها للخلع أمام محكمة الأسرة بامبابة «تعرفت على زوجى زحمد.م عن طريق إحدى صديقاتى التى قامت بترشيحه لى ولأهلى على أنه عريس مثالى، وبعدها تقدم إلى أهلى ليطلب يدى، ووافقنا عليه بعد ما رأينا فيه الرجل المحترم اللى بتحلم به أى بنت، وتمت خطوبتنا، فلم تستمر سوى أشهر معدودة، حتى تم الزواج سريعا».
وأضافت الزوجة «أثناء فترة الخطوبة لم ألاحظ عليه أى شئ غير طبيعى، بالعكس كان بيعاملنى بلطف وبمنتهى الحنان، وكان بيتمنى لى الرضا أرضى وكنت طايرة من الفرحة إنى هتجوز راجل كتير من البنات بتحلم بواحد زيه».
وأستطردت الزوجة «وبعد الزواج، لاحظت أنه ما بيحبش ينام فى الضلمه، وكل ما أحاول أطفئ النور عشان ننام يتعصب ويزعق ويعاملنى بمنتهى القسوة».
وأكملت الزوجة «مش عارفه أفرح زى كل البنات فى شهر العسل، خوفه من الضلمه قالب حياتى معاه، ما بيرضاش يخرج من البيت بالليل معايا، وأنا زى أى عروسة فى بداية جوازها عايزة أخرج وأنبسط مع جوزى، لكنه بيرفض، حتى لما النور يقطع بيسبنى فى الشقة لوحدى وينزل فى الشارع».
واختتمت الزوجة «ما فيش حد بيعمل مع مراته كده، أنا مكملتش شهر متجوزة وفى الآخر جوزى طلع جبان وبيخاف من الضلمة، وكل لما أقوله روح لدكتور اتعالج يرفض بشده، أنا خلاص مش حاسة معاه بالأمان ومش هاعرف أعيش مع واحد جبان زى ده».