وجهت الإعلامية هند فرحات رسالة للإعلامي تامر أمينن ردا على ما قاله في برنامجه على "روتانا" قائلة: "مش هانمشي من هنا يا أستاذ تامر أمين، مش هانغور علشان البلد دي لسه فيها ناس شرفا كتير" وأضافت فرحات، خلال تقديمها برنامجها "حد يفهمنا" عبر فضائية "العاصمة"، اليوم الخميس: "فهمنا يا أستاذ تامر هما محدودى الدخل مش من حقهم ينتقدوا معيشتهم الصعبه، علشان نطلع صك شعار الخيانة، مين اللى خلاك الحاكم بأمر الله لتتحدث باسم الرئيس السيسي، لو انت قاعد فى استديوهات روتانا فى التكييف، ومش حاسس بالناس الغلابه، مينفعش تقول للمواطنين غوروا، وياريت ترحموا الناس وتبطلوا تعالي عليهم، عشان هما اللي خلوك قاعد في روتانا"