"قالتلي أنت شغال مساعد معانا" علي صبحي يكشف كواليس لقائه لأول مرة بمنى زكي

كشف الفنان علي صبحي كواليس لقائه للمرة الأولى بالفنانة منى زكي، وذلك على هامش مشاركتهما سوياً في بطولة مسلسل "تحت الوصاية"، الذي عرض رمضان الماضي 2023.
علي صبحي يكشف كواليس لقائه بمنى زكي
وخلال لقاءه مع الإعلامية سهير جودة، قال على صبحي :"أول لقاء ليا مع منى زكي كنت راجع من عرض كلاون بجري، كنت متاخر على بروفة المسلسل، وكنت متوتر جدا لما اعرفت اني هقابلها لأول مرة في الحقيقة".
وواصل حديثه: "كان عندي وقتها عرض مسرحي في مدينة السلام والبروفة في المهندسين، فكان لازم اتحرك من المسرح بدي وامشي بعد اخر مشهد ليا بس مش هاخد التحية مع زمايلي من الجمهور".
وتابع :"وطبعا المكياج اللي بنعمله على المسرح لسة على وشي فمسحته بمناديل بسرعة عشان الحق البروفة".
واسترسل حديثه :"وصلت البروفة ودخلت اعتذرت على التأخير، ومنى زكي لأول مرة تشوفني لاقيتني حاطط كحل، فلما شافتني اتوترت وبدأت تسئل مين ده؟ انت شغال مساعد معانا، لكن استاذ محمد شاكر المخرج قالها ده على يا منى".
وعن ردة فعل الفنانة قال علي :" وهي استغربت وقالتلي ايه اللي انت عامله في وشك ده؟ فكان موقف مضحك جدا وافتكرت أن أنا حاطط كحل بجد، واعتذرتلي وقتها قالتي أنا مقصدش خالص".
مسلسل تحت الوصاية
جدير بالذكر أن مسلسل تحت الوصاية هو من بطولة نخبة من نجوم الفن أبرزهم دياب، رشدي الشامي، مها نصار، خالد كمال، من تأليف خالد دياب وشيرين دياب وإخراج محمد شاكر خضير.