علي صبحي يكشف كواليس أول لقاء جمعه بالفنانة منى زكي

كشف الفنان علي صبحي عن أول لقاء جمعه بالفنانة منى زكي، حيث التقى بها لأول مرة في بروفات تحضير مسلسل "تحت الوصاية"، وكان لديه عرض مسرحي في نفس التوقيت، فقرر أن يغادر المسرح مبكرًا قبل انتهاء المسرحية من أجل لقائه معها.
وأضاف علي خلال لقائه مع الإعلامية سهير جودة عبر صفحتها الرسمية على فيسبوك، قائلا: "أول لقاء ليا مع منى زكي كنت راجع من عرض كلاون بجري، كنت متأخر على بروفة المسلسل، وكنت متوتر جدًا لما عرفت أني هقابلها لأول مرة في الحقيقة".
وتابع: "كان عندي وقتها عرض مسرحي في مدينة السلام والبروفة في المهندسين، فكان لازم اتحرك من المسرح بدري وامشي بعد آخر مشهد ليا بس مش هاخد التحية مع زمايلي من الجمهور، وطبعا المكياج اللي بنعمله على المسرح لسه على وشي فمسحته بمناديل بسرعة عشان الحق البروفة".
وقال علي صبحي: "وصلت البروفة ودخلت اعتذرت على التأخير، ومنى زكي لأول مرة تشوفني لاقيتني حاطط كحل، فلما شافتني اتوترت وبدأت تسأل مين ده؟ أنت شغال مساعد معانا؟ لكن أستاذ محمد شاكر المخرج قالها ده علي يا منى، وهي استغربت وقالتلي إيه اللي أنت عامله في وشك ده؟ فكان موقف مضحك جدا وافتكرت إن أنا حاطط كحل بجد، واعتذرتلي وقتها قالتي أنا مقصدش خالص".
اقرأ أيضاً| كارمن سليمان تحتفل ب7 ملايين مشاهدة لأغنية «ياجمالك»