رسالة مفاجئة من حمو بيكا لطلاب الثانوية العامة.. تعرف عليها

وجه مطرب المهرجانات حمو بيكا، رسالة لطلاب الثانوية العامة من خلال حسابه الشخصي بموقع تبادل الصور والفيديوهات "انستجرام".
كتب حمو، ""بكره تعتبر بداية الامتحانات النهائية للثانوية العامة، وأنا مش جاي أديك موعظة ولا جاي أعمل شيخ عليكم..بس أنا جاي أقول لك إنك قد أي حاجة في الدنيا، وتعرف تعمل أي حاجة طالما عندك إصرار وحلم هتوصل يعني هتوصل".
أضاف، "الثانوية العامة مش نهاية الرحلة والمطاف ليكم، وإنما هي بداية الحلم الحقيقي اللي نفسك تحققه، اتعلموا العلم حلو أوي، العلم بيستر صاحبه، أنا لو رجع بيا الزمن كنت اتعلمت وأكلت الكتب اكل.. ربنا معاكم يا رب وتحققوا كل أحلامكم".
وكشف مطرب المهرجانات، تفاصيل خلافه مع عمر كمال، حيث قال إن عمر كمال قطع صلته به وذلك بعد استضافته ببرنامج "العرافة".
قال بيكا، خلال حواره ببرنامج "صبايا الشمس"، المذاع عبر فضائية "الشمس"، "كلمته وقلتله أنا بهزر بس هو قطع معايا ومعزمنيش على فرح أخته".
وفي السياق ذاته، كشف الفنان محمد شاهين عن السر وراء خلافاته مع مؤدي المهرجانات حمو بيكا بالإضافة إلى العديد من الأسرار الأخرى، وذلك خلال استضافته ببرنامج "كلام الناس".
فقال محمد شاهين عن خلافه مع بيكا :"معنديش مشاكل مع حد خالص ومبكرهش حد، حمو بيكا معنديش مشاكل معاه".
وتابع :"أيام الكورونا كنا عملنا أغنية ومحصلش نصيب إننا ننزلها وأنا طلبت إننا منزلهاش وهو استجاب ليا وبعدين اتقابلنا مع بعض، كان فيه سوء تفاهم في الأغنية وصمّمت إنها متنزلش وفعلاً منزلتش".