بعد هدية القلادة الذهبية.. حمو بيكا يروي قصة حبه بزوجته

روى مطرب المهرجانات الشعبية الفنان حمو بيكا علاقته بزوجته وقصة الحب التي جمعتهما، فضلاً عن حقيقة السلسال الذهب الذي قدمه لها يوم عيد ميلادها.
حمو بيكا يروي قصة حبه بزوجته
وخلال لقاء له مع الإعلامية ريهام سعيد، تحدث بيكا عن أسرار من حياته لأول مرة فقال :"أنا بحب مراتي، وحبيتها في 3 شهور، وعمر عيني ما زاغت، ومش بعرف أكدب عليها وهي بتفتش في كل حاجة ومديها باسورداتي وإيميلاتي، وأنا مش بعمل حاجة تزعلها، عشان مش بحبها تزعل".
وواصل حديثه: "محدش حاول يوقع بيني وبين مراتي قبل كدا، واتعاركنا كتير، وكنت هخسر البيت كذا مرة عشان حد كدا مش عايز أجيب سيرته، واتخانقنا في رمضان ومشيت من البيت وروحت جبتها تاني".
وتابع :"وفيه بنات كتير بتعاكسني وتجري ورايا وأنا بقولها، ومش بتبقى قلقانة عشان عارفة أني مش هقدر أبص لحد تاني، مقلقتش لما الخلفة أتأخرت وهي دلوقتي حامل، لو هجيب ولد هسميه فهد ولو بنت هسميها تاج".
وعن حقيقة إهدائه لزوجته كيلو من الذهب في عيدميلادها، كشف حمو بيكا :"عايز أقول للناس سيبوني في حالي، والكردان اللي جبته لمراتي مش كيلو، أنا شبعان الحمد لله ولو هروح أخر اليوم معايا ألف أو ألفين جنيه أنا راضي".
وأضاف :"ومراتي قالتلي خد ورثي وجبتلها السلسلة، وهي بتطلب حاجات كتير من الأونلاين خاربة بيتي، ولو جات قالتلي أشتغل مش هوافق عشان أنا مش هخليها محتاجة حاجة، مش بحب آراء ياسمين عز، أنا لو مش عايز حد يخدمني مكنتش اتجوزت".