أمينة خليل تكشف موقفها من المشاركة في موسم رمضان 2026 | فيديو

أعلنت الفنانة أمينة خليل عن عدم مشاركتها في الموسم الرمضاني المقبل 2026، خلال تواجدها ببرنامج "الصورة" مع الاعلامية لميس الحديدي.
وكشفت أمينة خليل عن أسباب وكواليس عدم مشاركتها، قائلة: " قررت السنة دي إني مش هكون موجودة في رمضان عشان مهتمة جدا وعايزة أركز في السينما، عندي 3 أفلام هدخلهم".
وتابعت أمينة خليل: "مش هتكلم عن الأفلام لأن بصراحة في مفاجئتين حلوين أوي".
أمينة خليل تكشف كواليس «لام شمسية»
وتحدثت الفنانة أمينة خليل عن دورها في مسلسل «لام شمسية» الذي عرض موسم رمضان الماضي 2025، ومدى تأثيره عليها، قائلة: "المسلسل أثر فيا جدا أول مرة أكون حاسة بكم التأثير اللي الدور عمله فيا أكتر دور كان صعب غالبا عملته في حياتي".
وأضافت أمينة خليل: "أنا فاكرة آخر يوم لما خلصنا تصوير روحت البيت بصيت في المراية وفعلا للحظة أنا مكنتش عارفة أمينة فين هي راحت قعدت حوالي شهر بحاول أرجعها تاني".
واختتمت أمينة خليل: "حاولت أفكر نفسي بكل الحاجات اللي بحبها، قضيت وقت كتير مع أهلي حسيت أن هما الأمان وأكتر ناس عارفني ووأكتر ناس بعرف ابقى مرتاحة قدامهم لو حسيت إني عايزة أعيط هعيط، كنت بفرغ كل الطاقة اللي شلتها في المسلسل اللي هي مش طاقتي أنا دي طاقة "نيللي" الموضوع كان صعب بس شهر وكان لازم أعدي لأن كان لازم أتجوز".