حمو بيكا يعلق على عودة حسن شاكوش للغناء

نشر مؤدي المهرجانات حمو بيكا عبر صفحته الرسمية على موقع التواصل الإجتماعي الشهير "فيس بوك" صورة له خلال تواجده فى دبي .
وعلق حمو بيكا قائلاً: "الواحد مهما بيسعي أنه يوصل لحاجه معينة في بلده نفسه فيها لازم يكون فيه مطبات وعوائق قدامه توقفه عن اللي نفسه فيه، بس الحمد لله والله مش بزعل ولا بتضايق من ده ، اللي بيزعل الواحد أنه يشوف حد غيره من غير أي مجهود بيوصل للي عايزه بسهولة ، المشكلة هنا فين ؟!.
وتابع حمو بيكا : "برغم إني سعيت كتير في إني أحل المشكلة دي.. بجد بقيت بتعجب كل يوم من اللي بيحصل !! ..هل ده من الطبيعي يعني ؟؟ .. يلا أهي كلها أرزاق".
واستكمل حمو بيكا : ياريت كل الناس اللي بتحبني تدعيلي إني أعدي محنتي دي وأكون زي الأول وأحسن وزي ما فيه ناس بيتفتحلها سكك عشان تعدي ، ياريت حد يعرفني السكة دي فين ومنين عشان أعدي .. بتمني محدش يفهمني غلط ، أنا بس بحب افضفض مع اخواتي .. الحمد لله على كل شيء".
وكشف مؤدي المهرجانات حمو بيكا، تفاصيل أزمته الأخيرة مع نقابة الموسيقيين، قائلا: " أنا سبت مصر وبقالي شهر في دبي وناوي استقر في دبي".
وأوضح حمو بيكا خلال مداخلة هاتفية ببرنامج " كلام الناس"، والمذاع عبر قناة "ام بي سي مصر"، :" أنا قررت أعيش في دبي بشكل كامل عشان أعرف أشتغل.. مصر وحشتني ونفسي أرجع تاني".
وأكمل حمو بيكا :" أنا بعاني من الغنا بقالي 6 سنوات في مصر كل شوية مشاكل مع النقابة ومعرفش أنا موقوف ليه عشان كده أنا موجود في دبي لأن شغلي في مصر وقف".
وكان مؤدي المهرجانات حسن شاكوش قد إعلن عبر صفحته على موقع التواصل الاجتماعي فيس بوك خلال الساعات الماضية عن حصوله على تصريح من قبل نقابة المهن الموسيقية.
ونشر حسن شاكوش، عبر صفحته الرسمية على موقع التواصل الاجتماعي فيس بوك، صورة له من داخل نقابة المهن الموسيقية، بصحبة إدارة أعماله، مُمسكًا بكارنيه النقابة، مُعلقًا عليها بقوله: «الحمد لله استلمت كارنيه النقابة.. جاهزين للشغل».