"مش همسك غير كتاب ربنا" مصطفى كامل يعلق على ترشحه لمقعد النقابة

علق الفنان مصطفى كامل على ترشحه لمنصب نقيب الموسيقيين، وذلك بعد انتهاءه من تقديم أوراق ترشيحة للمرة الثانية على التوالي لهذا المنصب.
تعليق مصطفى كامل على ترشحه للنقابة
ومن خلال منشور له عبر موقع "فيسبوك"، كتب مصطفى :"لكل زملائي المرشحين على منصب النقيب العام أو عضو مجلس الإدارة، أقسم بالله وبكتاب الله ما ليا قائمة، المرشحين كلهم أفضل من بعض واللي هييجي على الترابيزة دي هنشتغل مع بعض".
وتابع :"لن أقبل بحد ينتفع من وراء الموسيقيين، واللي مفكر أنه يسرق يقعد في بيتهم واللي ناوي ياخد حق اليتامى من القديم والجديد هتكون سنينه سودة".
واسترسل حديثه :"عاوزين ناس شرفاء وأمناء على حقوق الغلابة، ومش بحب الفساد ولا أنا راجل فاسد ولا هقبل بحد فاسد معايا".
وعن خطط للفترة القادمة قال مصطفى :"أحلامي الفترة الجاية هتكون أعلى على المستوى الإداري والخدمات والموظفين والواجهات المرشحة، وبحق كتاب الله ما ليا قائمة، ومش هوصي حد على حد وكله بمجهوده وعلاقته".
واستطرد :"ومش هقدر أمسك غير كتاب ربنا وماليش قايمة وزملائكم مطروحين عليكم وتوكلوا على الله وأنا مع الله وهفضل مع الله".
وحذر من الكلام السئ الذي قد يصيب النقابة موضحاً :"مش هقبل كلام وحش على النقابة، ومفيش نقابة محترمة تسمح إن حد فيها يكتب عنها نقابة الفساد والعار، إزاي تكتب على بيتك كده ولا نفسك، لو شفت عار تقدم لرئيس مجلس الإدارة ولما ما يجيش حقك اعمل اللي أنت عاوزه".
وأنهى حديثه مستنكراً :" لكن ليه تكون قاعد فاضي وتكتب نقابة العار، ولاحقا لو ربنا ولاني الأمر ده مش هيكون مقبول، وبقرارات مجلس الدولة هناخد قرارات وهنرفع قضايا في المحاكم لأنها جريمة والدولة تجرم السب والقذف إلكترونيا".
جدير بالذكر أن باب الترشح للانتخابات قد تم فتحه أمس الأحد وحتى الثلاثاء المقبل، ومن المقرر إجراء الانتخابات في الأول من أغسطس المقبل والإعادة في 8 أغسطس.