اعترافات مثيرة وجديدة لزوج عروس طنطا عن واقعة مقتلها بعد ساعات من الزفاف

مقتل عروس طنطا بعد ساعات معدودة من زفافها.. واقعة من وقائع القتل الشنيعة التي حدثت بمنطقة نيفيا في مركز طنطا محافظة الغربية، والتي أشعلت منصات التواصل الاجتماعي خلال اليومين الماضيين.
انتشرت على السوشيال ميديا، خلال اليومين الماضيين، صور من حفل زفاف عروس طنطا برفقة عريسها، تلك الصور التي خلقت حالة من التعاطف الشديد تجاه عروس طنطا "آية .ا"، التي قتلت غدرًا على يد عريسها بعد 3 أيام من الزفاف.
ازداد تعاطف رود السوشيال ميديا مع عروس طنطا بعد اعترافات العريس المثيرة حول سبب قيامه بقتلها،
مستخدمًا سكينة حادة قام بغرزها مرات عديدة في أنحاء متفرقة في جسدها دون رحمة.
اعترافات زوج عروس طنطا
في اعترافاته أمام نيابة طنطا، قال "محمد.ال" إن السبب الرئيسي لإقدامه على قتل زوجته بعد 3 أيام من الزفاف هو عدم قدرته على الصبر عليها للحصول على "حقه الشرعي".
وأكد الجاني أنه لم يكن ينوي قتل عروسه، وأنهما كانا يقضيان لحظات من الضحك والهزار والود قبل وقوع الجريمة،
ولكن خجلها ورفضها له في كل مرة يحاول الاقتراب منها، جعله يقدم على قتلها – وفق تصريحاته.
وقال: "الزفاف كان يوم الإثنين الماضي، ولم أتمكن من ممارسة حقي الشرعي في أول ليلة بسبب الإجهاد والتعب خلال الزفاف".
وتابع: "في اليوم الثاني صحينا بعد الظهر، وحاولت أخد حقي الشرعي منها،
إلا إنها قعدت تقولي لا ابعد عني ومتقربليش، ومرضتش أعمل حاجة معاها".
وأكمل: "اتغدينا مع بعض وقعدنا باقي اليوم نتفرج مع بعض على فيلم ونتكلم ونضحك ونهزر،
وبالليل اتكلمت معاها تاني فهي قالتلي أنت مستعجل على إيه، قدامنا العمر كله ولسه بدري علينا لحد ما نمنا".
وأردف العريس القاتل قائلًا: "يوم الأربعاء، صحينا الصبح بدري، ووالدتها جت الساعة 10 الصبح، ومعاها أكل وكان معاها الذهب بتاع مراتي، وادتهولي وقالتلي أنت أولى بيه".
وأكمل: "أنا رديت عليها وقولتلها أنا معايا اللي أغلى من الدهب يا ماما،
وبعدين هي قعدت معانا ساعتين وطول الساعتين نقعدنا تكلم ونضحك ونهزر، بعد كده هي أخدت بعضها ومشيت".
واستطرد: "بعد ذهاب والدتها قولتلها تعالي أنا عايز أخد حقي الشرعي منك وهي برضو قعدت تتهرب مني".
واسترسل: "حاولت أكلمها وأعرف هي مش راضيه ليه، وقالتلي إنها لسه مخدتش عليا ومكسوفة مني، فأنا وقتها سكت وقعدنا نتكلم سوا".
تفاصيل واقعة مقتل عروس طنطا
وسرد محمد العريس لحظة إقدامه على تنفيذ جريمة مقتل عروس طنطا، وقال: "فضلنا كدة لحد على الساعة 11:30 مساء وبرضو هي مرضيتش تديني حقي الشرعي".
و تابع: "مع إصرارها على الرفض، أنا كنت جبت آأخري منها، فورحت على المطبخ أخدت سكينة كبيرة شوية كانت محطوطة على رخامة الحوض،
ولما دخلت أوضة النوم كانت هي مدياني ضهرها، فقمت نزلت على ظهرها بالسكينة وضربتها أكتر من ضربة".
واستكمل: "هي حاولت تفلت مني وبتتقلب بسرعة علشان خاطر تهرب قمت ضاربها بالسكينة في رقبتها وفي وشها".
وأضاف: "ولما شفت الدم قعدت أخبط فيها كتير بالسكينة، وهي كانت على حرف السرير ووقعت على الأرض
ما بين السرير والتسريحة، وأنا كملت فيها ضرب لحد ما اتأكدت إنها ماتت".
تصرف مفاجئ لزوج عروس طنطا بعد قتلها
وفي تصرف مفاجئ، قام عريس طنطا بعد الانتهاء من جريمته البشعة بالاتصال بشقيق عروسه، وقال له: "في مصيبة تعالى ألحقني".
وتابع الجاني خلال اعترافاته للنيابة: "وبعد كده نزلت الشارع بعدها وطلبت الإسعاف، وأنا قعدت أصرخ وأصوت وأقول الحقوني مراتي راحت مني الحقوها".
واستطرد: "وبعدين الناس في المنطقة اتلمت، وأنا كنت بتمرمغ في الأرض وبصوت وأصرخ بأعلى صوتي علشان حد يلحقها".
وأشار إلى أنه بعد الإبلاغ عن الواقعة وصل رجال الشرطة وسيارة الإسعاف، وتم إلقاء القبض على عريس طنطا، وتحرر المحضر اللازم بالواقعة.
ومن جهته، قرر قاضي المعارضات بمحكمة طنطا حبس المتهم 15 يومًا على ذمة التحقيقات، بتهمة قتل زوجته.