بعد إعلانه خلافهما.. غادة عبدالرازق توجه رسالة قوية ل أحمد زاهر

حرصت الفنانة غادة عبدالرازق على التعليق على مشاركة الفنانة ليلى أحمد زاهر معها في مسلسل "تلت التلاتة"، الذي يُعرض حالياً، رغم خلافها مع والدها أحمد زاهر كما وجهت له رسالة نصيحة.

رسالة غادة عبدالرازق للفنان أحمد زاهر
وخلال لقاءها ببرنامج تفاعلكم تحدثت غادة عبدالرازق عن خلافها مع أحمد زاهر فقالت :"أنا مختارة ليلى من قبل ما أحمد يطلع في برنامج ويقول إن فيه مشاكل بينا، أنا نفسي استغربت أوي كلامه، إحنا عمرنا ما اتخانقنا، هو أكيد حد وصّله كلام غلط فهو اتضايق مني من غير ما يرجعلي".
وواصلت غادة عبدالرازق حديثها :"لما ده حصل قالولي طيب ليلى هتكمل ولا إيه؟ قولتلهم ليلى هتكمل طبعاً؛ لأن مهنة التمثيل بروفيشنال، ومش هصفّي مشاكلي الشخصية في أكل عيشي، مهنة التمثيل دي هي اللي عملتني".
كما وجهت رسالة للفنان أحمد زاهر قالت فيه :"بنصح أحمد إنه يتأكد من الحاجة قبل ما يقولها لأن الموضوع عدّى معايا عشان أنا ست ذكية وخبرتي كبيرة، بس لو حصل مع حد تاني معندوش خبرتي مش هيتقبل ده وهتحصل مشكلة".


خلاف أحمد زاهر وغادة عبدالرازق
جدير بالذكر أن الخلاف بين الفنان أحمد زاهر والفنانة غادة عبدالرازق يعود لتعاونهما في مسلسل "حكاية حياة"، والذي قال عنه الفنان أحمد زاهر: "مفيش كيمياء مع الفنانة غادة عبدالرازق على المستوى الإنساني والنفسي بعيدًا عن المجال المهني".
وتابع أحمد زاهر خلال لقاءه برنامج «المجهول» الذي يعرض عبر قناة اللبنانية lbc: "في عداوة بيني وبين غادة عبدالرازق لكن من ناحيتها هي أنا معملتلهاش حاجة نهائى، ممكن تكون مش بتحبني هي حرة مش هجبر حد أنه يحبني براحتها، ورغم كدا هي من أقوى الممثلات في الوطن العربي وعملنا مع بعض مشاهد حلوة جدا في مسلسل حكاية حياة".
وأختتم حديثه كاشفاً: "هي مكنتش موافقة إني أكون موجود في المسلسل ولكن رجعت في كلامها بناءا على كلامها مع المخرج محمد سامي والمنتجة، وبعد ما اتقالي انت مش معانا صليت ودعيت ربنا وانهارت وقتها لانه صدمه كبيرة ليا وحتى الآن مش عارف إيه سبب كرهها ليا".