"إداني على دماغي" تفاصيل خلاف ميس حمدان مع المخرج خالد يوسف

* Total0
* * * * * *
تحدثت الفنانة ميس حمدان عن سبب خلافها مع المخرج خالد يوسف والذي يعود لرفضها العمل معه في فيلم «ويجا» عام 2005، بدلًا من الفنانة دوللي شاهين.

خلاف ميس حمدان وخالد يوسف
وكشفت الفنانة ميس حمدان تفاصيل خلافها كاملةً مع خالد يوسف فقالت :"خالد يوسف حمقي شوية في ردود أفعاله، كان عايزني في الدور بتاع دوللي شاهين، وروحت المكتب بتاعه وكان موجود هاني سلامة، وكان بيقنعني بالدور وأنا ساعتها كان عندي تمسك فظيع إني مش هقدر أمثل مشاهد القبلات والمشاهد الساخنة في الفيلم".
وواصلت ميس حمدان خلال حوارها مع الإعلامية أميرة بدر في برنامجها «VIP» قائلة ً :"«خالد يوسف قالي إنتي كده مش فنانة وبطلوا الطريقة دي، وانتوا اللي بوظتوا الفن، زمان الفنانين مكانوش بيفكروا بالطريقة دي وكانوا محترمين برضو".
واسترسلت ميس حمدان :"هو ليه وجهة نظر وتُحترم، وأنا حسيت إني بتحط في زاوية قولتله طيب إديني فرصة أروح البيت أسأل ماما، لكن أنا مكنش عندي الجرأة أعمل المشاهد دي، واعتذرت وقولتله أنا مش هقدر أعمل الدور ده، وزعل وهزقني وقالي بما معناه اللي زيي اللي بوظ الشغلانة".
وعن ردة فعل خالد يوسف عقب انتشار الخبر، قالت ميس حمدان :"الصحافة عرفت والخبر انتشر وأنا كمان قلت إني كنت هعمل الفيلم، وخالد يوسف كلمني وإداني على دماغي وقالي بما معناه إنتي عايزة تربطي اسمك بيا وتشهري نفسك، ومتجبيش اسمي تاني على لسانك ومتتكلميش عليا خالص، خدت الكلام وسكت".

أحدث أعمال ميس حمدان
يذكر أن الفنانة ميس حمدان قد شاركت مؤخراً في مسلسل "باتنين جنيه أفلام"، من بطولة طارق صبري، محمد فهيم، سارة الشامي، سماح السعيد، حمزة العيلي،وآخرون، من تأليف عبده هيبه كاتب ساخر على السوشيال ميديا، وتصوير يوسف إبراهيم، طارق عبد الله.