"حتى الفرح مستكترنها عليا" حسن شاكوش يصدم جمهوره بإعلانه تعرضه للسحر!

خرج مطرب المهرجانات حسن شاكوش عن صمته ليوضح تكلفة حفل زفافه الحقيقية، كما كشف تعرضه لأعمال السحر والشعوذة، وذلك في لايف له عبر حسابه بموقع تبادل الصور والفيديوهات "إنستجرام".

تصريحات حسن شاكوش عن تكاليف حفل زفافه
فتحدث حسن شاكوش عن تكلفة حفل زفافه قائلا ً :"أنا كنت في البرنامج بتكلم على فرحي أنا مصرفتش على الفرح بس أنا بتكلم أي عريس وعروسة بيتكلفوا تكلفة ومصاريف من أول الجواز وده اللي اقصده تجهيز بيت وعفش في ناس قالت 4 مليون جنيه جبتهم منهم".
وواصل حسن شاكوش حديثه :" في أفراح بس بتتكلف ملايين غير البيت والعفش أنما أنا الفرح كله ببيتي وعفشي بالدهب بسفرية لشرم الشيخ اتكلف 400 مليون، وفي شباب كتير مش شغالة ومش معاها فلوس تتجوز ولو شاب بسيط وعايز يتجوز ويجب شقة وعفش ودهب أقل حاجة 600 ألف جنية عشان الدنيا غلت على الكل وفي العالم كله".
واسترسل حسن شاكوش :"أنا كمطرب لو فيا هموم الدنيا بيطلع على الاستيدج بيضحك في وش الناس ويرقص معاهم لان ده شغلي ومينفعش ادخل المشاكل الشخصية في شغلي".
كما تحدث عن مجاملة أصدقائه في الوسط الفني له فقال :"ربنا عالم بحالي ومفيش مطرب خد جنيه في فرحي وكله جه يجاملني لأننا أخوات وفي مجال واحد وكله جه بالحب، وأحمد عصام عامل معايا واجب وواخد فلوس رمزية في فرحي عشان يجاملني".

تعرض حسن شاكوش للسحر
كما فجر الفنان حسن شاكوش مفاجئه عن تعرضه للسحر فقال :"عمري ما فكرت أذي حد وأنا اتأذيت كتير في حياتي لدرجة أن الأذى ده يموتني وفي ناس عملتلي أعمال بوقف الحال والشلل وأني أموت نفسي وانتحر ومفيش حد حاسس بيا، وياريت اللي بيحب الخير لغيره يفرحله حتى الفرح مستكترنها عليا رغم أني بفرح للدنيا كلها، وأنا اللي هيعرفني على الحقيقة هيتصدم عشان أنا شخصيتي مختلفة".