حمو بيكا ل هاني مهنا: ليه كلكم بتيجوا عليا أنا مش متسول وبيئه

وجه الفنان حمو بيكا، رسالة إلى الموسيقار هاني مهنا، بعد تصريحه الذي استنكر به وجود الفنان عمر كمال، وحسن شاكوش، وحمو بيكا، في حفل زفاف نجلته الفنانة هنادي مهنا، على الفنان أحمد خالد صالح.
ونشر حمو بيكا، مقطع فيديو، عبر حسابه على "فيس بوك"، قال خلاله: "في البداية، أنا بعتذر للفنان هانى شاكر، وأنا مش عامل الفيديو عشان كده، لكن أنا نمت وصحيت، لقيت ناس كتير متصلة عليا، وبيقولولى الحق اللي حصل، وعرفت تصريحات أستاذ هاني مهني، وأنا بوجه كلمة لحضرتك، أنا يزيدني الشرف إني أعرفك، والنجوم اللي حضروا فرح هنادي على راسى، وكلهم عارفين مين حسن شاكوش وعمر كمال وحمو بيكا".
وتابع: "بنت حضرتك اتصلت بعمر كمال، وقالت له أنا نفسي تحضر فرحي أنت وبيكا وحسن، فعلى أساس الطلب دا؛ حضرنا، وقدَّرنا بنت حضرتك، لكن نتفاجئ إن حضرتك تنزل تصريحات، تقول حمو بيكا مش اتعزم، حضرتك أنا مش مستنى إنك تعزمنى خالص، وأنت شايفني إني بيئة ومتسول، لكن أنا الحمد لله ابن ناس، وعمري ما جيت على حد".
وأختتم: "ليه كلكم بتيجوا عليا وشايفيني إني حاجة وحشة، وممكن من تعاملكم دا تجعلوا منى مجرم، أنتوا بتقولوا إنكم متعلمين، فين التعليم اللي يخليكم تهاجموا شاب لسه بيبدأ طريقه، وتعاملونى المعاملة الوحشة دي، أنا كل اللى محتاجه إني آكل عيش وأشتغل، أنا لسه متجوز من شهر، وابني جاي في الطريق، وهتحبس، يرضي مين؟ دا أنا واثق إن أستاذ هاني شاكر هيقف معايا".