عمرو أديب: "الأهلي هزم نفسه بنفسه والجمهور نايمين في حالة صعبة"

علق الإعلامي عمرو أديب، على أداء الفريق الأول لكرة القدم بالنادي الأهلي، بعد الهزيمة الثقيلة التي مني بها من فلامنجو البرازيلي بأربعة أهداف مقابل هدفين في مباراة تحديد المركز الثالث بكأس العالم للأندية.
وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم السبت. "بنشكر النادي الأهلي على أدائه في بطولة العالم للأندية. اللاعبين حطت كل مجهودها وعملت كل اللي تقدر عليه".
وأضاف "لكن أنا شايف الأهلي هزم نفسه بنفسه وبصراحة هذا الفريق مش برازيلي أوي ليست فريق قوي والأهلي كان ممكن الأمور تكون أحسن من كده".
وتابع "لازم أشكر اللاعبين والمجهود ومقدرش أتجاهل أن الأخطاء كانت مرعبة. البلاتيني اللي ضع والأهداف اللي ضيعها شريف الحريف والشناوي والكرة اللي رجعوها وأدوها لمهاجم فلامنجو علشان يجيبوا الجون".
واستطرد "يعني حسيت أن الماتش ده ممكن يطلع أحسن من كده. ناس كتير بتسأل أنت مالك ومال الأهلي ليه حلال لما الزمالك يتغلب أهل مصر كلهم يتكلموا عن الزمالك ولكن مينفعش تتكلم عن الأهلي".
وأردف "أنا بتفرج على الأهلي كممثل عن الكرة المصرية من حقي أتفرج وأقول وأنا مقولتش حاجة وحشة اللي اتعمل في ماتش ريال مدريد اتعمل نفس الأخطاء مخلي المهاجم لآخر 3 دقائق ايه الحاجة العظيمة اللي إحنا بنتفرج بها".
وأكمل "معلول صحيح ضيع ضربة جزاء ولكنه لاعيب محترم ومجهوده محترم. وأشير إلى أحمد عبد القادر وأرى أن المدرب مسؤول بنسبة 75% عن الهزيمة بتغير مراكز اللاعبين".
وتساءل "هو ليه الأهلي معندوش مهاجم وليه مش بيشتري مهاجم. شوفنا شريف وطاهر ضيعوا. الأهلي لو معاه مهاجم في المرتدات كنا شوفنا أهداف".
وأوضح "أنا عايز أسأل الأهلاوية اللي نايمين في حالة صعبة هل أنتوا راضين عن أداء الأهلي في البطولة. هل أنتوا شايفين أن الأهلي أدى أداءً جيدًا في هذه البطولة".